Демилгелер Артүрдүүлүк жана маданият «Музейдеги жолугушуулар»

26.04.2019

«Жибек жолу» көргөзмөсүнүн расмий жабылуу иш чарасы өттү

2019-жылдын 26-апрель күнү Г.Айтиев атындагы Кыргыз Улуттук Көркөм өнөр жана Сүрөт Музейинде ушул жылдын 5-апрелинен бери жүрүп жаткан “Жибек жолу” интерактивдүү Көргөзмөсүнүн расмий жабылуусуна арналган иш чара болуп өттү.


Иш чара “Кыргызстандын музейлери мезгил менен кадамдаш баратабы?” аталышындагы диалог –баарлашуу менен башталды. Талкууга КР экс-Президенти, “Роза Отунбаеванын демилгеси” Эл аралык Коомдук фондунун негиздөөчүсү Р.И.Отунбаева, КР Маданият, Маалымат жана Туризм Министри А.К.Жаманкулов, КР Маданият, Маалымат жана Туризм Министринин орун басары, аталган министрликке караштуу туризм департаментинин директору Дамир уулу Максат, Улуттук тарых музейинин директору К.М.Алмакүчүков, Г.Айтиев атындагы Кыргыз Улуттук Көркөм өнөр жана Сүрөт Музейинин директору Ю.А. Шыгаев жана окумуштуулар, искусство таануучулар, музей жетекчилери, кызматкерлери жана журналисттер катышты.


Диалог учурунда: “Музейлер – шаардын , өлкөнүн визиттк карточкасы катары”, “Музей –билим берүүнүн курамдык жана ажырагыс бөлүгү”, “Музейлер – коомдун мультимаданий материясынын күзгүсү, тарбиялоонун күчтүү куралы катары”, “Музей ишине чечкиндүү реформа талап кылынат: жаңы парадигмаларды жана ыкмаларды, интерактивдерди, заманбап техникалык каражаттарды колдонуу” ж.б. маселелер катышуучулар тарабынан өтө кызуу талкууга алынды.


Бүгүнкү күндө Кыргызстандын музейлеринин балдарга билим берүү, тарбиялоо жана өлкөнү таанытуудагы пассивдүүлүгү белгиленип, алардын өз ишмердиктеринде заманбап техникалык каражаттарды, ыкмаларды жана интерактивдерди колдонбой жатканына байланышкан маселелер ортого салынды. Ошондой эле музейдин ишмердиктери жөнүндөгү Кыргыз Республикасынын мыйзамын кайрадан кароо зарыл экендиги жана чет элдик алдыңкы тажырыйбаларды колдонуу боюнча бир канча сунуштар айтылды.


Р.И.Отунбаева өзүнүн корутунду сөзүндө музейлер тегерегиндеги маселени курч койду. Ал музейлер өлкөнүн, аймактын жүзү экенин белгилеп, Кыргызстандын музейлеринин көбү бүгүн толук кандуу иштебей жатканын, ал эми айрым областтык борборлордо музейлердин таптакыр жоктугуна токтолду. ““Жибек жолу” көргөзмөсүн уюштуруу менен мындай иш чаралар адамдардагы муктаждыкты, каалоону жаратсын деген максатты койдук. Улуттук Көркөм өнөр жана Сүрөт музейинин тарыхында мынчалык көп көрүүчү келген эмес. Музей-бул тарых, маданият, бул жерде көп улуттуу элибиздие духу турат. Эгер маданиятыбыз болбосо биз жөн эле бир территория жана ошол территорияда жашаган эл гана болуп калабыз”- деди Р.И. Отунбаева. Мындай көйгөлүү маселелерди көтөрүү менен Р.Отунбаева музей жетекчилерин бул маселенин тегерегинде диалог-талкууларды дагы уюштурууга чакырды.


Белгилей кетсек, Көргөзмө иштеп турган 20 күндун ичинде 14000 көрүүчү келип катышып кеткен. Алар Бишкек шаарынын 100дөн ашуун мектептеринин окуучулары, жаштар, ата-энелер, мугалимдер, Чүй, Нарын, Ысык-Көл жана Талас облустарынан да атайын көргөнү келгендер болуп саналат. Көргөзмөдө 15 мамлекеттин тарыхы, маданияты, географиясы жана экономикасы тууралуу таанып билүүчүлүк маалыматтардан тышкары балдар үчүн 100дөн ашуун ар кандай тематикадагы мастер-класстар өткөрүлдү, интерактивдүү оюндар тартууланды.


Ю.А. Шыгаев “Жибек жолу” интерактивдүү көргөзмөсү көрүүчүлөрдү өзүнө тартуу боюнча музейдин тарыхында рекорд койгонун белгиледи.


Көргөзмөнүн расмий жабылуусуна арналган иш чара андан ары Кинозалда уюштурулган концерт жана өнөктөштөргө ыраазылык каттарды тапшыруу менен улантылды. Бул салтанатка КР вице-премьер Министри А.Өмүрбекова жана элчилер да келип катышышты.


Ал эми Көргөзмө күндөгүдөй эле өз ишин уланта берди. Фойеде балдар үчүн сүрөт тартуу, пазлдарды чогултуу, сүрөттөрдү боё ж.б. багыттарда мастер-класстар өткөрүлдү. 28-апрелде, жекшемби күнү Көргөзмө өз ишин аяктайт. 

Акыркы жаңылыктар

22.10.2019

Вальдорф педагогикасынын 100 жылдыгына арналган майрам

20-октябрда "Дордой Плаза-II" соода борборунда Вальдорф педагогикасынын 100 жылдыгына арналган балдар үчүн майрам болуп өттү. Баланы жакшы көрүүгө арналган педагогика – 1919-жылы Рудольф Штайнер Германияда иштеп чыккан балдарды өнүктүрүүнүн бул методикасын ушундай мүнөздөөгө болот. Вальдорф мектептери бүткүл дүйнө боюнча – Африкадан Кытайга чейин, Америкадан Австралияга чейин иштейт. Өз алдынча болуп, чечимдерди кабыл алып, ойлоп жана ойлонуп, ...
21.10.2019

«Жүрөк ырдайт» поэзия кечеси болуп өттү

2019-жылдын 18- октябрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликте белгилүү акын , сатирачы, КР маданиятына эмгек сиңирген ишмер Жолочу Рысбаев жана Жазуучулар союзунун “Алтын калем” сыйлыгынын ээси Мая Осмонкулованын чыгармачылыгына арналган “Жүрөк ырдайт” аттуу поэзия кечеси менен Поэзия кечелеринин 2019-2020жж жаңы ...
19.10.2019

Элетке жетпеген санарип

Өлкөнү санариптештирүү багытында бийликтин, жарандык коомдун жана ишкер чөйрөнүн кызыкчылыктары улам көбүрөөк ачыкка чыгып, бул багытта чыйыр салгысы келген тараптар коомчулуктун көңүлүн буруга аракет кыла баштады.   Атап айтканда, буга чейин, 4-октябрда Бишкекте президент Сооронбай Жээнбековдун катышуусу менен «Борбордук Азиядагы санарип трансформациясы» деген конференциясы өтсө, акыркы күндөрү ...
18.10.2019

Санарипке карай жол

Үстүбүздөгү жылдын 15-16-17-октябрында КР экс-Президенти Роза Отунбаеванын катышуусу менен Жалал-Абад, Ош жана Баткен областтарында “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция жыйынтыкталды.   Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү, ...
17.10.2019

Ош Мамлекеттик университетинде «Санариптештирүү: Дүйнөдө жана Бизде» конференциясы КР экс-Президенти Р.Отунбаеванын катышуусу менен өттү

Үстүбүздөгү жылдын 16-октябрында Ош мамлекеттик университетинин базасында КР экс-Президенти Роза Отунбаеванын катышуусу менен “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өттү. Конференцияга Ош областынан, Ош шаарынан өкүлдөр, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү, ...
17.10.2019

Жалал-Абадда «Санариптештирүү: Дүйнөдө жана Бизде» конференциясы өтүүдө

17-октябрда Жалал-Абад облусунда КР экс-Президенти Роза Отунбаеванын катышуусу менен “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өтүүдө. Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү катышууда. Ал эми КР Илимдер академиясынын, КР Маалымат ...
16.10.2019

Санариптешүү жашоону жеңилдетет

Баткен облусунда «Санариптештирүү дүйнөдө жана бизде» аттуу форум уюштурулуп, бул багытта ийгиликтүү иш тажрыйбасы бар мамлекеттик жана менчик мекемелердин өкүлдөрү чогулушту. Иш чарага экс-президенти Роза Отунбаева катышып, жаңы технологияларды күнүмдүк жашоодо кеңири колдонууга үндөдү. https://www.azattyk.org
15.10.2019

Игорь Шелике: Мугалим үчүн биринчиси жана башкысы - окууга өзүнүн даярдыгы

Вальдорф педагогикасы боюнча Игорь Ильич Шелике менен Бешинчи каналда Нарын Айып менен телеэфир. Педагогдун булар жөнүндө ой дүгүртүүсү: билим берүү деген эмне – фактыларды жөн гана эстеп калуубу же аларды далилдеп жана салыштыра билүүбү:
15.10.2019

Креативдүү программалоо боюнча биринчи олимпиада

Биз креативдүү, ар тараптуу ойлоно алган, жаңы нерсе жаратууга кызыкдар жаштарды өстүрүүгө умтулабыз! Курак: 7-12 жаш Өлкө: Кыргызстан Билдирме калтыруу мөөнөтү 10-ноябрга чейин Программалоо тили: Scratch Окутуу: Олимпиадга даярдоо боюнча акысыз мастер-класстар каралган. Scratch программалоо тили - бул Массачусетс Технологиялык Университетинин (MIT) профессорунун табылгасы. Ал мультфильм, оюн жана анимация жаратуу үчүн универсалдуу платформа. Жөнөкөй жана ...
14.10.2019

18-октябрда Поэзия кечесинин жаңы сезону ачылат! Сиздерди кайрадан Поэзия кечесине чакырабыз! Калтырбаңыздар! Шашылыңыздар!

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акын , сатирачы, КР маданиятына эмгек сиңирген ишмер Жолочу Рысбаев жана Жазуучулар Союзунун “Алтын калем” сыйлыгынын ээси Мая Осмонкулованын чыгармачылыгына арналат жана ал “Жүрөк ...
14.10.2019

Пресс-релиз «Санариптештирүү: Дүйнөдө жана Бизде»

Үстүбүздөгү жылдын 15-16-17-октябрында КР экс-Президенти Роза Отунбаеванын катышуусу менен Жалал-Абад, Ош жана Баткен областтарында “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өтөт. Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү катышат. КР Илимдер ...
12.10.2019

Чакан гранттар социалдык жактан маанилүү маселелерди чечет

Талас областынын Талас айылында (Манас району) сентябрдын башында демейдегиден башкача долбоор старт алды.   Бул долбоордун алкагында Манас районунун Талас айылындагы ооруканада эски терезелерди энергияны үнөмдөчү жылчыксыз жаңы терезелерге алмаштыруу боюнча иштер аткарылып жатат. Долбоор ФРГнын КРдагы Элчилигинин Калктын аялуу катмарларынын жашоо деңгээлин жакшыртуу боюнча чакан долбоорлору программасынын алкагында ишке ашырылып ...
10.10.2019

«Кыргызстаныбызды окуп-үйрөнөбүз» аттуу билим сандыгы тартууланат

“Роза Отунбаеванын демилгеси” эл аралык коомдук фондунун эко-долбоору 2018-жылы – Аймактарды өнүктүрүү жылы – 5-10 жаш курактагы балдар үчүн "Изучаем наш Кыргызстан" жана "Кыргызстаныбызды кыдырабыз" аттуу кооз иллюстрацияланган китептерди кыргыз жана орус тилдеринде чыгарды. Башкы каармандар Эркинай менен Бекжан жана алардын ата-энесинин саякатына ортоктош болуп, окурман биздин өлкөнүн баардык облустарын кыдырат да, ар кайсы аймактардагы ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»