Демилгелер Келечек муунга инвестициялоо «Көчмө өнүгүү борбору»

10.04.2014

Балдарыңарды кантип акылдуураак кылуу керек: илим ырастаган 10 кадам

Балдарыңарды кантип акылдуураак кылуу керек: илим ырастаган 10 кадам

("The Week", АКШ)

 

 

Иш башы үчүн аларга китеп окуп бербестен, алар менен бирге китеп окугула

Эрик Баркер (Eric Barker)

 

 

 

Мен балдарга эмне бакыт тартуулайт, ата-эненин кандай мамилеси алда канча натыйжалуу жана эмненин аркасында үй-бүлөлөр ыраазы болуп жашайт деген илимий изилдөөлөрдү жана далилдерди иликтедим.

 

Бирок эмчектеги баладан тартып 10 жашка чейинки курактагы балдарды эмне акылдуураак кылат? Илимдин пикири боюнча, мында жардам берген 10 нерсе булар.

 

1. Музыка сабагы

 

Бардыгы айкын жана жөнөкөй. Музыка сабактары балдарды акылдуурак кылаарын изилдөөлөр көрсөтүп турат.

 

Контролдук тобундагы балдарга салыштырганда, музыкалык топтордогу балдар акыл-эстин өнүгүү коэффициенти зор өскөнүн көрсөткөн. Музыканын таасири өтө зор эмес болгон, бирок талдоо акыл-эстин өнүгүшүнүн көп сандаган кошумча критерийлери боюнча, ар кандай индекстердин көрсөткүчтөрү боюнча жана окуудагы жетишкендиктердин стандарттык критерийлери боюнча жүргүзүлгөн.

 

Иш жүзүндө, музыкалык сабактар бардыгына, жаштарга, ошондой эле карыларга жардам берет. Улам көп сандаган изилдөөлөр музыкалык билим мектеп окуучуларына мектептеги сабактарда бир катар артыкчылыктарды бере тургандыгын көрсөтүп турат. Ал эми Түндүк-Батыш университет өзүнүн изилдөөлөрүндө музыкалык сабактар чоң энелерге да пайда берип, каруу процессинин айрым зыяндуу кесепеттерин басаңдатаарын аныктаган.

 

2. Билеги чоң бирди жыгат...

 

Билеги чоңдун билеги чоң, анткени ал көп убактысын китепканада эмес, спортзалда өткөрөт. Бирок сиздин балдарыңыз тигинисине да, мунусуна да жетишкидей кылсаңыз кандай болот? Эгерде сенин дениң сак болсо, таанып-билүү кудуретиң да жогорулайт.

 

Немец илимпоздору адамдар сабакка чейинкиге караганда 2007-жылы дене бойду машыктыруудан кийин сөздүктөн жаңы сөздөрдү 20%га тезирээк жаттай тургандыгы айкындаган. Эстеп калуу темптери мээнин нейротрофикалык факторлоруна түздөн-түз тиешелүү.

 

Үч ай бою денеге дайыма күч келтирип туруу мээнин эстеп калуу жана таанып-билүү үчүн жооп берген бөлүгүнө кандын келишин 30%га көбөйтөт.

 

Жүргүзүлгөн изилдөөнүн жүрүшүндө волонтерлор тобуна үч ай бою спорт менен машыгуу режими белгиленген, андан кийин илимпоздор алардын мээсин сүрөткө тарткан. Алар эстеп калуу участкасындагы гиппокампта капиллярлардын көлөмү 30%га чоңойгонун көргөн, бул чынында эле мыкты өзгөрүү.

 

3. Өз балдарыңарга китеп окуп бербестен, алар менен бирге окугула

 

Силерде окуганды үйрөнүп жаткан кичинекей бала барбы? Ага силер китеп окуп жатканда китептеги сүрөттөрдү карап жалдырап олтура беришине жол бербегиле. Анын көңүлүн сөздөргө бургула. Ага окуп берип тим болбостон, аны менен бирге окугула. Изилдөөлөр көрсөтүп тургандай, бул анын китеп окуу жөндөмдөрүн арттырат.

 

Китепти бирге окуу баланын китеп окууга жөндөмүн өнүктүрүүгө кунт коюп көңүл буруу менен коштолгондо, китепти ушундай биргелешип окуу жагымдуу шарттары болбогон балдар үчүн да эрте сабаттуу болуунун натыйжалуу шайманына айланат.

 

 

4. Уйкунун жетишсиздиги балдарды акылсызыраак кылат

 

Алтынчы класста окуган, бир саат кем уктаган баланын мээси төртүнчү класстагы баланын мээсине айланат. «Уйкунун бир саатын жоготуу таанып-билүү жактан калыптануунун жана өнүгүүнүн эки жылын жоготууга эквиваленттүү», -деп түшүндүрөт изилдөөчү Садех.

 

Сабакка жетишүү менен уйкунун узактыгынын ортосунда айрым катыш бар.

 

Отличниктердин арасындагы өспүрүмдөр төрткө окугандарга караганда орточо 15 мүнөткө көп уктайт, ал эми төрткө окугандар үчкө окугандарга караганда орточо 15 мүнөткө көп уктайт жана ушул сыяктуу. Бул алда канча мурдагы, ошондой эле соңку изилдөөлөрдүн маалыматтары менен ырасталат. Албетте, орточо маалыматтар, бирок ар кандай изилдөөлөрдүн натыйжаларынын дал келиши таң калтырат. Ар бир чейрек саат маанилүү.

 

5. Өзүн тартипке салуу болмоюнча акыл-эстин өнүгүшүнүн коэффициенти эч нерсеге арзыбайт

 

Өзүн тартипке салуу турмушта ким зор ийгиликтерге жетише тургандыгы жөнүндө болжолдоо үчүн акыл-эс кудуретинин көрсөткүчтөрүнөн маанилүү. Чарльз Дахигг (Charles Duhigg) өзүнүн мыкты китебинде мындай деп жазат:

Ондогон изилдөөлөр көрсөтүп тургандай, эрктин күчтүүлүгү жеке ийгиликти камсыз кылган эң маанилүү адат... Эрки өтө күчтүү окуучулар сабактардан эң жогорку бааларды алат жана сынагы алда канча катуу болгон ЖОЖдого тапшырышат. Алар сабактарга чанда гана келбей калат, телевизорду азыраак тиктеп жана үй тапшырмаларына көбүрөөк убакыт жумшайт. «Өзүн тартипке салуу деңгээли жогору болгон өспүрүмдөр окуудагы бардык көрсөткүчтөр боюнча өздөрүнүн алда канча импульсивдүү теңтуштарынан алга озуп кеткен», - деп жазат изилдөөчүлөр. - Өзүн тартипке салуу акыл-эс жактан өнүгүү коэффициентине караганда, окуудагы көрсөткүчтөр үчүн маанилүү. Өзүн тартипке салуу ошондой эле кайсы окуучулар окуу жылынын мезгилинин ичинде өзүнүн жетишкендиктерин жакшыртаарын, ошол эле учурда акыл-эс жактан өнүгүү коэффициенти муну жасай албастыгын көрсөтүп турат... Өзүн тартипке салуу интеллектиге караганда, окуунун натыйжаларына көбүрөөк таасир этет».

 

Баа берүү бул жалаң интеллектиге караганда, көбүрөөк даражада ак ниеттүүлүктүн жана аракетчилдиктин натыйжасы.

 

Ак ниеттүүлүк – бул көбүрөөк даражада иштеги ийгиликке кепилдик берген өзгөчөлүк. Ак ниеттүүлүк адамдын жумуш ордундагы гана келечектеги ийгиликтерин көрсөтүп тим болбогондугу өзгөчө кызыктуу. Ак ниеттүү адамдар мектепте жана колледжде алда канча жогорку бааларды алат; алар кылмышты аз жасайт; жана алар өзүнүн никесин көбүрөөк сактайт. Анын үстүнө алар көбүрөөк жашайт – бул тамекини аз чегип жана ичимдикти аз ичкендиктен гана ушундай эмес. Аларда инсульт сейрек кездешет, алардын кан басымы төмөн жана Альцгеймер илдетине сейрек чалдыгат.

 

Ошентип, турмушта ким алда канча көп ийгиликтерге жетишет? Өжөр жана чаалыкпаган балдар.

 

Изилдөөчүлөр аныктагандай, таанып-билүү да, денебой да мүнөзү болбогон өжөрлүк сыяктуу белги ийгиликтин мыкты болжолдоочу фактору болуп саналат. Өжөрлүк чаалыкпагандык жана алдыга коюлган узак мөөнөттүү максаттарга жетишүүгө умтулуу катары аныкталат.

 

6. Таанып-билүү – бул активдүү процесс

 

Өнүктүрүүчү оюнчуктардан жана мээни машыктырган оюндардан эч майнап жок. Иш жүзүндө алардан улам балдар акылсыз болуп калат деп эсептөөгө негиздер бар.

 

Бул нерселер 17 айдан 24 айга чейинки курактагы балдардын сөз байлыгына оң таасир этпейт. Ал эми айрымдары ачыктан-ачык зыян келтирет. Балдарга арналган айрым DVD жана видеону көрүп олтуруп өткөргөн бир сааттын ичинде балдар экранды тиктеп олтурган балдарга караганда орточо алты-сегиз сөздү азыраак жаттайт.

 

Ушул таанып-билүү – бул пассивдүү эмес, активдүү процесс. «The Talent Code» (Таланттын коду) китебинин автору Дэн Койл (Dan Coyle) эмнени сунуш кылат? Ал: жөн гана окуганды токтоткула да, өзүңөрдү текшергиле дейт.

 

Биздин мээбиз биз кандайдыр-бир нерселерди угуп жатканда эмес, аларды жасап жатканда өнүгөт. Ошондуктан көпчүлүк жөндөмдөр жана билимдер боюнча убакыттын үчтөн эки бөлүгүн текстти жөнөкөй окуу менен эмес, өзүңдү текшерүү менен өткөрүү дурус. Үчтөн эки деген эреже бар. Мисалы, эгерде сиз кандайдыр-бир үзүндүнү жаттагыңыз келсе, аны окууга убакыттын 30%ын коротуп, ал эми калган 70%ын алынган билимдерди текшерүүгө жумшаган ийги.

 

 

7. Тамак бул жакшы – бирок керектүү учурда

 

Бүтүндөй алганда, балдар дайыма таза тамак ичкени жакшы. Изилдөөлөр көрсөтүп тургандай, тамак-аш балдардын жетишүүсүнө таасир этет.

 

Маанилүү экзамен күнүндө эртең мененки тамакты жакшы ичүү керектигин бардыгы билет. Изилдөөлөр көрсөтүп тургандай, көмүр кычкылды жана жай сиңе турган клетчатканы көп камтыган тамак баарынан жакшы. Бирок сиз буга чейин бир жума мурда эмне жегениңиз да маанилүү. 16 студентти кунт коюп көңүл буруусу жана ой жүгүртүүсүнүн тездиги жагынан сынаган, андан соң аларды беш күн бою көмүр кычкылынын курамы аз болгон майлуу тамакка катуу тойгузган, ал тамакта эт, жумуртка, быштак жана каймак көп болгон. Аларды кайрадан текшергенде көрсөткүчтөр төмөндөп калган.

 

Бардык учурда эрежеден тышкаркы нерселер болот. Бир да бала дайыма таза тамак иче бербейт. Бирок жаман жери: балдар көп учурда ыңгайсыз жагдайда «жаман» тамакты жейт. Изилдөөлөр кофеин менен кант мээнин иштешин күчөтө ала тургандыгын көрсөттү.

 

Кофеин менен глюкоза таанып-билүү жөндөмдөрүнө жагымдуу таасир этет... Изилдөөлөрдүн натыйжалары көрсөтүп тургандай, кофеин менен глюкоза өздөрүнүн айкалышында адамдын кунт коюп көңүл буруусун күчөтө алат.

 

Ошондой эле балдарга абдан жаккан өтө күчтүү кубаттоолор бар. Андыктан, эгерде балага момпосуй же стакан лимонад бергиңиз келсе, анда муну ал эс алып жатканда эмес, окуп жатканда берген дурус.

 

8. Бактылуу бала – ийгиликтүү бала

 

Бактылуу жана ыраазы балдар башкаларга караганда көп учурда ийгиликтүү, тарбиялуу жана жакшы билимдүү болот.

 

Бакыт – бул дүйнөдөгү эбегейсиз зор артыкчылык, ал эң башына ийгиликти коет. Бүтүндөй алганда, бактылуу адамдар бактысыздарга караганда иште да, сүйүүдө да ийгиликтүү. Алар өзүнүн иши жөнүндө мыкты мактоолорду, алда канча артыкчылыктуу кызмат орундарын жана алда канча жогорку эмгек акыны алат. Алардын никеге турууга мүмкүнчүлүгү көбүрөөк жана алар никеден көбүрөөк канагаттануу алат.

 

Баланы бактылуу кылуу үчүн биринчи кадам кандай болууга тийиш? Бактылуу ата-эне болуу.

 

9. Теңтуштар бул маанилүү

 

Сиздин генетикалык мурасыңыз жана сиздин өнөгүңүздүн генетикасы сиздин балдарыңызга эбегейсиз зор таасир этет. Ал эми сиз аларды кандай тарбиялап жатканыңызчы? Алда канча аз.

 

Бул жагынан Малькольм Глэдвелл (Malcolm Gladwell) мындай деп жазат:

«Интеллектуалдык жөндөм сыяктуу нерселер жана мүнөздүн айрым белгилери жагынан биологиялык балдар өз ата-энелерине окшош. Ал эми асырап алган балдар жагынан натыйжалар өтө эле таң калычтуу көрүнөт. Алардын көрсөткүчтөрү асырап алган ата-энелерге таптакыр окшобойт. Бул балдар өзүнүн мүнөзү жана интеллекти боюнча 16 жыл бою аларды тарбиялаган, кийиндирип-ичиндирген, окуткан жана мээримин төккөн адамдарга, көчөдөн капилет алынган экиден ашпаган чоң кишиге окшош».

 

Дегеле силердин балдарыңардын жүрүш-турушуна жана жосундарына эмне эң көп таасир этет? Алардын теңтуштары. Демейде биз теңтуштардын таасири жөнүндө бул таасир терс болгон учурда айтабыз, бирок ал көп учурда оң мүнөздө болот. Мыкты аймакта жашоо, балдарды кадырлуу мектепте окутуу, ошондой эле алар жакшы балдар менен баарлашкыдай кылуу маанилүү. ЖОЖдун студенти жетишүүсүн алга илгерилетиши канткенде жеңил болот? Бөлмө боюнча акылдуу коңшуну тандоо керек.

 

Дартмут колледжинин студенттеринин катышуусу менен кандайдыр-бир изилдөөлөрдү жүргүзгөн экономист Брюс Сейсердоут (Bruce Sacerdote) ушундай таасир канчалык күчтүү экенине ынанган. Ал баалары начар болгон студенттер мыкты жетишкен студент жашаган бөлмөгө көчкөн учурда алардын жетишүүсү да орточо жогорулагандыгын тапкан. Изилдөөчүнүн айтымы боюнча, бул студенттер «кандайдыр бири-бирине окуудагы жакшы жана жаман адаттарын жугузгандыктан, жакшы жетишип окуп жаткан студент бөлмө боюнча өзүнүн жетише албай жаткан коңшусун өйдө карай тартат».

 

10. Аларга ишенгиле

 

Сиздин балаңыз көптөгөн башка балдардан акылдуу экенине ишенүү өтө маанилүү. Мугалимдерге айрым балдарды акылдуурак деп айтканда, кала берсе алар жөнүндө мындай сөз болжолдоп айтылган күндө да, бул балдар жакшы окуй баштайт.

 

Розенталь жана Ленор Джекобсон 1968-жылы мектепте изилдөө жүргүзгөн. Алар башталгыч мектептин мугалимдерине алардын классында «жетишүүдө кескин прогрессти көрсөтүүгө» кудуреттүү айрым окуучулар бар деп айткан. Иш жүзүнө келгенде, бул окуучуларды болжоп тандаган. Бул балдарды бөлүп көрсөтүү үчүн илимпоздор демейдегиден башка эч нерсе жасаган эмес. Ошого карабастан, окуу жылынын аягына карата ушул болжоп тандап алынган окуучулардын 30%ы өзүнүн акыл-эсинин өнүгүшүнүн коэффициентин орточо 22 баллга жогорулаткан жана дээрлик бардыгы аны бери болгондо 10 баллга көтөргөн.

 

Дагы бир эскертүү. Интеллект бул бардыгын эле камтый бербейт. Адеп-ахлак жана боор ооруганды билүү болмоюнча акылдуу адамдар коркунучтуу адам болушу мүмкүн.

 

Бир жолу П. O’Рурк айткандай, «акылдуу адамдар барларда сейрек гана мушташат. Бирок макоо адамдар водороддук бомбаларды сейрек гана түзөт».

 

Бул маалымат сизге өз балаңызды мыкты кылууга жардам берет деп үмүттөнөм.

 

Макаланын түп нускасы: How to make your kids smarter: 10 steps backed by science You can start by reading with them, not to them

 

Акыркы жаңылыктар

13.09.2019

«Гений» радиоберүүсү: Балдарды мектепке туура даярдоо боюнча кеңеш

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында балдарды мектепке туура даярдоо жөнүндө сөз болду.   Жаңы окуу жылы башталаарда, айрыкча 1-класска бара турган баланы психологиялык жактан даярдоо керектигинин маанилүүлүгү жөнүндө Бишкек шаарынын №69 окуу тарбия комплекс-гимназиясынын психологу Абдужапарова Элиза, Бишкек шаарынын билим берүү башкармалыгынын ...
09.09.2019

Калыс-Ордо конушунда балдар үчүн оюн жана машыгуу аянтча ачылды

Үстүбүздөгү жылдын 5-сентябрында Бишкек шаарынын Калыс-Ордо жаңы конушунда балдар үчүн оюн жана машыгуу аянтчанын ачылышы болду. Иш-чарага конуштун тургундары, жаштары, ак-сакалдары, Коомдук ден соолук комитеттеринин мүчөлөрү, Биринчи май районунун акиминин орун басары Мавлян Аскаров, Муниципалдык аймактык башкармалыгынын башчысы Талант Мусуркулов, БУУ Калкты жайгаштыруу Фондунун жана “Роза Отунбаеванын демилгеси” Эл аралык коомдук фондунун ...
09.09.2019

Жаңы конушка жаңы воркаут аянтча

Үстүбүздөгү жылдын 5-сентябрында Бишкек шаарынын Мурас-Ордо конушунда ден соолугунан мүмкүнчүлүгү чектелгендерге ылайыкталган воркаут аянтча ачылды. Иш-чарага конуштун тургундары, жаштары, Коомдук ден соолук комитеттеринин мүчөлөрү, Биринчи май районунун акиминин орун басары Мавлян Аскаров, Муниципалдык аймактык башкармалыгынын башчысы Талант Мусуркулов, БУУ Калкты жайгаштыруу Фондунун жана “Роза Отунбаеванын демилгеси” Эл аралык коомдук ...
05.09.2019

Цукуба Университетинен келген студенттерге «Айымдар техникада жана илимде» долбоору жөнүндө айтып беришти

2019-жылдын 5-сентябрында Кыргыз-Япон адамды өнүктүрүү борборунда «Айымдар техникада жана илимде» долбоорунун презентациясы өттү. Презентациянын максаты – Цукуба Университетинен (Япония) келген студенттерге долбоор жөнүндө кең-кесири маалымат берүү.   Долбоордун катышуучусу, «КР айымдары STEM’де» тармагынын мүчөсү Айнура Чокморова студенттерге STEM’дин жаралышынын тарыхы жөнүндө, КРдагы илим жана техника жагындары айымдардын ролу жөнүндө ...
05.09.2019

«Роза Отунбаеванын демилгеси» ЭКФнын 2019-жылдын сентябрына иш-чараларынын дайджести

«Роза Отунбаеванын демилгеси» ЭКФнын   2019-жылдын сентябрына   иш-чараларынын дайджести 5-сентябрь - «Айымдар техникада жана илимде» долбоорунун презентациясы Качан: 5-сентябрь, саат 14.00-15.00дө Кайда: Кыргыз-Япон адамды өнүктүрүү борбору Презентациянын максаты – Цукуба Университетинен (Япония) келген студенттерге долбоор жөнүндө кең-кесири маалымат берүү. Спикер - долбоордун катышуучусу, «КР айымдары STEM’де» тармагынын мүчөсү Айнура ...
04.09.2019

Рухий-Мурас конушунда воркаут аянтча жана жаштар үчүн борбор ачылды

Үстүбүздөгү жылдын 29-августунда Бишкек шаарынын Рухий-Мурас жаңы конушунда жаштардын демилгеси менен салынган воркаут аянтчанын жана жаштар үчүн борбордун ачылышы болду.   Иш-чарага конуштун тургундары, жаштары, Коомдук ден соолук комитеттеринин мүчөлөрү, Муниципалдык аймактык башкармалыктын өкүлдөрү, БУУ Калкты жайгаштыруу Фондунун жана “Роза Отунбаеванын демилгеси” Эл аралык коомдук фондунун өкүлдөрү катышты.   Конуштун тургундары ...
01.09.2019

С.Жээнбеков менен Р.Отунбаева - Көзкарандысыздык күнүн майрадоодо тартылган кадрлар

31-августта, Көзкарандысыздык күнү, КР президенти Сооронбай Жээнбеков, өткөөл мезгилдеги президент Роза Отунбаева, парламенттин спикери жана Кыргызстандын Премьер-министри Кыргызстандын Көзкарандысыздык күнүн майрамдоого байланыштуу салтанаттуу аземге келди, ал Ала-Тоо аянтында өттү.   Президент Сооронбай Жээнбеков кыргызстандыктарды Көзкарандысыздык күнү менен куттуктады жана көзкарандысыздык менен эркиндик – коомубуздун башкы ...
30.08.2019

Бакай-Ата конушунда «Ынтымактуу кошуналар - ынтымактуу конуштар!» аттуу Ден cоолук жана биримдик фестивалы өттү

28-августта Бишкек шаарындагы Бакай-Ата конушунда "Ынтымактуу кошуналар-ынтымактуу конуштар" аттуу Ден соолук жана биримдик фестивалы өттү. Фестивалга Бишкек шаарынын 10 конушунун (Ак-Ордо, Ак-Бата, Ак-Тилек, Бакай-Ата, Жеңиш, Көлмө, Калыс-Ордо, Рухий-Мурас, Мурас-Ордо, Эне-Сай) тургундары, жаш лидерлери, Коомдук ден соолук комитеттеринин мүчөлөрү, Муниципалдык аймактык башкармалыктардын башчылары, адистери, Бишкек шаарынын мэриясынын өкүлдөрү жана ...
22.08.2019

«Бакай Банк» балдардын өнүгүүсүнө салым кошууну улантууда

«Роза Отунбаеванын демилгеси» Эл аралык коомдук фонду тарабынан 2014-жылдан бери «Жайлоо өнүгүү борборлору» долбоору Кыргызстандын бардык аймагында иштеп келет. 2019-жылы 114 ЖӨБ ачылып, жай мезгилинде 3200 ашык бала билим алды.   Бир нече жылдан бери «Бакай Банк» балдардын билим берүүсүнө багытталган “Жайлоо Өнүгүү борборлору” долбооруна каржылык жактан жардам берип келет. 2019-жылы которулган акча каражаты балдарга ар кандай мастер класстарды өткөрүүгө, ...
21.08.2019

«Гений» радиоберүүсү: Мектепте англис тили сабагынын саатынын көбөйүшү жана натыйжасы

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында мектеп окуучуларынын англис тили сабагынын сааттарынын көбөйүшү жана анын натыйжалары жөнүндө сөз болду. Мектептерде чет тилдерди окутуу 3-класстан 11-класска чейин жүргүзүлөт, англис тилинин сааттары быйыл 5-класстар үчүн 5 саат, 6-класстарга 4 саат, 7-класстарга 3 саат кошулду.   Чет тилдердин маанилүүлүгү, ...
21.08.2019

Үй-бүлөлүк дарыгерлер тобу электрондук система аркылуу иштөөгө өтүүдө

Үстүбүздөгү жылдын 15-16-августтарында “Ынтымактуу конуштар” долбооруна пилоттук болуп кирген Бишкек шаарынын Калыс-Ордо, Ак-Ордо, Ак-Бата жана Көлмө жаңы конуштарынын Үй-бүлөлүк дарыгерлер тобунун (ҮДТ) кызматкерлерине жана Коомдук ден соолук комитеттеринин (КДК) мүчөлөрүнө персоналдык компьютер жана электрондук почта аркылуу иштөөгө үйрөтүү окутуулар өткөрүлдү. Окутуунун максаты – Үй-бүлөлүк дарыгерлер тобу менен Коомдук ден соолук ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»