Демилгелер Туруктуу социалдык өсүү Аялдардын Улуттук Форуму

03.03.2015

Президент Аялдардын Улуттук Форумунун катышуучуларын куттуктады

Мамлекет башчысынын аппаратынын маалыматтык саясат бөлүмү президент Алмазбек Атамбаевдин Аялдардын Улуттук Форумунун катышуучуларына кайрылуусун таратты.

 

“Урматтуу Кыргызстан Аялдарынын улуттук форумунун делегаттары жана коноктору!


Сиздерди Кыргызстан аялдар кыймылынын 90 жылдыгына арналган ушул маанилүү Форум менен чын дилимден куттуктайм.


1924-жылдын октябрында түзүлгөн Кара-Кыргыз автономиялуу облусунун лидер-аялдары 1925-жылдын мартында дыйкан, батрак жана кошчу аялдарынын биринчи съездин чакырган. Съезддин күн тартибине түзүлүп жаткан социалисттик коомдогу аялдардын орду, алардын абалын жакшыртуунун жолдору жөнүндө маселелер киргизилген.


90 жылдан кийин эгемен Кыргызстандын активист аялдары азыркы аялдардын абалын талкуулоо, ошондой эле өлкөбүздү туруктуу демократиялык өнүктүрүүгө катышуу боюнча иш-аракеттерди пландоо максатында Аялдардын Улуттук Форумун чакырышты.


Форумду өткөрүү идеясы “Роза Отунбаеванын демилгеси” фондунун жетекчилиги астында бириккен аялдар тарабынан берилгендиги абдан маанилүү.


Кыргызстандын аялдары өлкөбүздүн экономикалык, социалдык-маданий жана саясий турмушуна кеңири катышууда. Азыркы шартта мыйзамдарда жана мамлекеттик программаларда белгиленген аялдар менен эркектердин укуктарынын жана мүмкүнчүлүктөрүнүн теңчилигин иш жүзүндө камсыз кылуу абдан зарыл.


1995-жылы Пекинде өткөн Аялдардын абалы боюнча дүйнөлүк IV конференция өлкөбүздөгү аялдар маселесин тереңдеп түшүнүүгө чоң түрткү болду. Бул конференциянын ишине кыргыз делегациясы биринчи жолу катышкан. Бүгүнкү күндө Пекин платформасын Кыргызстанда ишке ашыруунун 20 жылдык жыйынтыгын чыгарсак, өлкөнү өнүктүрүүгө, бейпилдикти жана социалдык прогрессти бекемдөөгө аялдар зор салым кошууда. Сиздердин талыкпаган эмгегиңиздер жана демилгеңиздер үчүн зор ыраазычылыгымды билдиргим келет.


Кыргызстан аялдары дайыма жигердүү жарандык позициясы жана өлкөнүн келечеги үчүн жоопкерчиликти сезе билгендиги менен айырмаланып турат.


XX кылымдын залкар аял-саясатчысы Маргарет Тетчер “Адам Эверестке өзү үчүн чыгат. Бирок чокусуна чыкканда өзүнүн өлкөсүнүн туусун саят” деп айткан.


Сиздердин ар бириңиздер жеке ийгиликтерге жетишип, ошону менен мамлекетибизди бекемдөөгө чоң салым кошуп жатасыздар.


Аялдардын эл аралык күнүнүн алдында Сиздерди ушул жаркын майрам менен алдын ала куттуктайм. Сиздерге бекем ден соолук, үй-бүлөлүк бакты-таалай жана бейпилдик каалайм.

Акыркы жаңылыктар

06.02.2020

«КҮТТҮРГӨН ЖАЗ» поэзия кечеси өтөт

«Роза Отунбаеванын демилгеси» Эл аралык коомдук фонду, Т.Сатылганов атындагы Кыргыз Улуттук Филармониясы жана Кыргыз Улуттук Жазуучулар союзу менен биргеликте жумурай журтка таанымал белгилүү акындардын жана элдин сүймөнчүлүгүнө арзып келаткан жаш акындардын поэзия кечелерин өткөрүүнү төрт жылдан бери үзгүлтүксүз улантып келүүдө. Кезектеги кече эсеп боюнча кыркынчы жана ал акындар Курманалиева Бактыгүл, Сыдыкбекова Айсалкын жана Токтосунов ...
04.02.2020

Джон Кеннединин «Каарманды көрнөктөрү» (Профили мужества) китебинин бет ачаары болуп өттү

Жакында КР Президентине караштуу Башкаруу Академиясында Джон Кеннединин англис тилинен кыргыз тилине которулган «Профили мужества» - "Каарманды көрнөктөрү" китебинин бет ачаары болуп өттү. Китепти белгилүү тарыхчы, котормочу жана журналист Тынчтыкбек Чоротегин которгон. Аталган китеп Джон Кеннеди сенатор учурунда, 1956-жылы жазылган. Ошондон бери китеп 50 ирет кайрадан басылып чыккан. Иш чара учурунда КР экс-Президенти Р.И.Отунбаева, КР ...
03.02.2020

Жогорку технологиялар паркындагы «Z муундар менен меймандык жолугушуулар»

Бүгүн 3-февралда «Z муундар менен меймандык жолугушуулар» акциясынын алкагында Бишкек шаарынын №84 мектебинин жогорку класстын окуучулары жогорку технологиялар паркына (ЖТП) барышты, ал жерде алардын астында ЖТПнын директору Алтынбек Исмаилов сөз сүйлөдү. Ал ЖТПнын иштердүүлүгү, анын 2019-жылдагы жетишкендиктери жана натыйжалары, IT тармагындагы талап кылынган кесиптер жана кадрлар тууралуу айтып берип, азыркы учурдагы Кыргызстандагы ...
03.02.2020

Роза Отунбаева: «Жон Кеннединин китеби кыргыз саясатчылары үчүн алиппе болушу мүмкүн»

30-январь күнү КРнын Президентине караштуу мамлекеттик башкаруу академиясында, Кыргызстандагы АКШ элчилигинин “Өмүрү өрнөк инсандар” катар китептерди которуу программасынын алкагында “Роза Отунбаеванын демилгеси” фондусуну тарабынан чыгарылган АКШнын 35-президенти Жон Фицжералд Кеннединин “Каармандык өрнөктөрү” аттуу китебинин көрсөтмөсү болуп өттү.  Китептин көрсөтмөсүнө экс-президент Роза Отунбаева катышып, “Каармандык өрнөктөрү” китеби ...
02.02.2020

Кеннединин мурасы - кыргыз саясатчыларына «алиппе»

Бишкекте АКШнын 35-президенти президенти Жон Кеннединин "Каармандык өрнөктөрү" китебинин кыргызча котормосунун бет ачаары болуп өттү. Аны которгон белгилүү окумуштуу жана коомдук ишмер Тынчтыкбек Чоротегин. "Роза Отунбаеванын демилгеси" эл аралык фонду тарабынан демилгеленип, жарыкка чыкты. Жон Кеннединин атактуу китебинин кыргызча котормосу саясатчыларга, окумуштууларга саясий ишмердиктин маданияты жана жоопкерчилиги жөнүндө ой ...
01.02.2020

КР Экс-президенти Р.И.Отунбаева Швециянын парламенттик делегациясы менен жолугушту

28-январда КР Экс-президенти Р.И.Отунбаева Швеция Королдугунун Риксдагынын (парламенттин) биринчи вице-спикери АсойЛиндестам баштаган парламенттик делегациясы менен жолугушту. Жолугушуунун жүрүшүндө Роза Отунбаева меймандарга “Роза Отунбаеванын демилгеси” ЭКФнын ишмердүүлүгү, билим берүү, маданият, инновациялык технологиялар, гендердик теңдик жаатындагы жүзөгө ашырылып жаткан долбоорлор тууралуу айтып берди. Өз кезегинде делегациянын башчысы, ...
01.02.2020

«Z муундар менен меймандык жолугушуулар» борбор каалабыздын № 9 жана № 37 мектептеринде өттү

30 жана 31-январда №9 жана №37 ОТКда «Z муундар менен меймандык жолугушуулар» акциясынын алкагында жогорку класстын окуучулары менен программалык камсыздоолорду жана тейлөөлөрдү иштеп чыгуучулардын Кыргыз Ассоциациясынын жана IT академиясынын негиздөөчүсү Абакиров Азис жолугушуп, “Кыргызстанда жашап, бүткүл дүйнө менен иштөө” презентациясын сунуштады. “Санариптик сабаттуулук” VIII- Билим берүү фестивалына карата ушул жылдын январынан ...
01.02.2020

Жон Кеннединин ишмердиги тууралуу китеп кыргыз тилине которулду

АКШнын 35-президенти Жон Кеннединин өмүрү жана ишмердиги тууралуу “Каармандык өрнөктөрү”- деген китеп кыргыз тилинде чыкты. Бул “Роза Отунбаеванын демилгеси” эл аралык коомдук фонду, “Өмүрү өрнөк адамдар” түрмөгүнөн чыгарган 5-китеп. Аны АКШнын Кыргыз Республикасындагы элчилигинин китеп которуу программасы алкагында каржылаган. Жалпы 2000 нускада басылып, учурда 1500 китеп өлкөнүн бир катар китепканасына берилгенин уюштуруучулар билдирди. Зинакан ...
31.01.2020

Отунбаева: Инстаграм 50 жашта экенсиң деп иштебей койбойт - BBC Kyrgyz

Орто жаштагылар интернет, түрдүү тиркемелерди кандай колдонушат? Экс-президент Роза Отунбаева технологиянын жетишкендиктерин жапырт үйрөнүү зарыл дейт. Би-Би-Синин видео баяндарын толугураак сайтыбыздан көрүңүз: http://www.bbc.co.uk/kyrgyz/
30.01.2020

Жаңы котормо: Жон Кеннеди баалаган каарман сенаторлор

Америкада жана дүйнөдө каармандар барбы, деги? АКШнын 35-президенти Жон Фицжералд Кеннеди 1956-ж. сенатор кезинде жарыялаган «Каармандык өрнөктөрү» китеби коомдогу каармандык тууралуу жаңы өңүттө ойлонууга түртөт. Тарыхчы жана котормочунун блогу. Китептин автору жана анын көмөкчүсү тууралуу Ошентип, көптөн күткөн учур да келип жетти. АКШнын 35-президенти Жон Фицжералд Кеннеди (John Fitzgerald «Jack» Kennedy; ...
29.01.2020

Президент Джон Ф. Кеннединин «Каармандык өрнөктөрү» китебинин кыргыз тилиндеги котормосу

ПРЕСС-РЕЛИЗ Президент Джон Ф. Кеннединин “Каармандык өрнөктөрү” китебинин кыргыз тилиндеги котормосу 30 январь, 2020-жыл, 14.30 КР Президентине караштуу Башкаруу Академиясынын лекторийи Джон Фицджеральд Кеннеди – АКШнын 35 - президенти 20 - кылымдын эң көрүнүктүү саясатчыларынын бири болуп келе жатат. Анын өмүр таржымалы, Кеннеди үй бүлөсүнүн тарыхы азыркы күндө да олуттуу роль ойноп, көптөгөн китеп жана көреөм тасмаларга негизги тема ...
27.01.2020

«Гений» радиоуктуруу: Балдар үчүн «Кыргызстаныбызды окуп-үйрөнөбүз» аттуу билим сандыгы тартууланды

2020-жыл Региондорду өнүктүрүү, санариптештирүү жана балдарды коргоо жылы деп белгиленди. Албетте, балдарды коргоо багытында, аларга эрте жаштан билим берүү, Кыргызстандын региондорун таанытуу, жаратылышты жакшы көрүп аны коргоо жаатында “Роза Отунбаеванын демилгеси” Эл аралык коомдук фонду тарабынан 2019-2020-окуу жылында “Кыргызстаныбызды окуп-үйрөнөбүз” аттуу эки тилдеги усулдук колдонмо менен дидактикалык материалдан турган Билим сандыгы Бишкек ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»