Пресс-центр Жаңылыктар

21.09.2019

Роза Отунбаева: Саясатта жана коомдо аялдын орду жогору болушу керек

Бишкекте Борбор Азиядагы 5 мамлекеттен келген өкүлдөр «Гендердик теӊчилик жана аялдардын укуктары менен мүмкүнчүлүктөрүн кеӊейтүү» боюнча диалогго чогулду. Анда аялдардын экономикалык, социалдык жана саясий маселелерде теӊ укуктуу болушун камсыздоо сунуштары талкууланды. Алар аялдардын коомдук процесстерге жигердүү катышуусундагы тоскоолдуктарды жоюп, өлкөдөгү ордун кеңейтүүнү көздөшөт.

 

Кыргызстандын мыйзамына «Башкаруу органдарынын 30 пайызы аялдар болушу керек» деген ченем кирген. Бирок бул талап 10 пайыздан жогору болбой жатат.

 

Вице-премьер-министр Алтынай Өмүрбекова дүйнөдө аялдардын ролу чоң экенин айтып, Борбор Азиядагы аялдардын укугунун корголбой жатышына тынчсыздануусун билдирди.

 — Дүйнөдө аялдардын ролу чоң. А бирок Борбор Азия мамлекеттеринде аялдардын укугу корголбой жатат. Буга эмне себеп болууда? Же болбосо коом бул нерсеге даяр эмеспи? Балким, коомчулукта суроо-талап жок болгону таасирин тийгизип жаткан чыгар.

 

Өзбекстандан келген укук коргоочу Малика Инакова гендердик теңчилик боюнча Борбор Азия өлкөлөрү жаңы реформанын үстүнөн иштеп жатканын билдирди. Мисалы, Өзбекстандагы аракет жакшы жыйынтык берип жатат.

 — Өзбекстан гендердик теңчилик боюнча реформа жүргүзүүдө жакшы жыйынтыктарды берип жатат. Акыркы 2 айда кабыл алынган жаңы мыйзам менен 3-сентябрдан тарта иш алып баруудабыз. Аялдардын жана эркектердин укугун коргоонун үстүндө Өзбекстан көп жылдан бери иштеп келатат.

 

Тажикстандан келген укук коргоочу Гүлжохан Мамасадыкованын айтымында, гендердик теңсиздикти бир эле күндө чечип коюу мүмкүн эмес. Анын үстүнө Борбор Азия өлкөлөрүндө калыптанган көз караштар, каада-салттар, шарияттын талаптары да кедергисин тийгизет.

 — Бизде жалпы маселе көп, бүгүн дагы гендердик теңчиликти камсыздоо тууралуу ой-пикир алмашабыз. Азия өлкөлөрүндөгү маселелер окшош, теңсиздикти жоюу бир күндө же бир жылда чечиле калбайт. Себеби, калыптанган көз караштар, шарияттагы талаптар жана башка субъективдүү жана объективдүү тоскоолдуктар бар.

 

Кыргызстанда бала менен эненин өлүмүнүн көрсөткүчтөрүнүн жогору болушу, ички жана тышкы миграцияда аялдардын санынын өсүшү да терс көрүнүш катары белгиленет. Ошол эле учурда, аялдар жана жаш кыздарга карата зомбулук, кодулоо, балдар эмгегинин өсүшү сыяктуу көйгөйлөр бар.

 

Кыргызстандын экс-президенти Роза Отунбаева өзгөчө аймактарда, айыл өкмөттөрдө аялдардын орду жогорулашы керек деп эсептейт.

 — Өзгөчө аймактардагы айыл өкмөттөрдө аял депуттардын 30 % квотасы кирсе, аялдардын маселелери көтөрүлөт эле. Социалдык маселелер четте калып жатканы өкүндүрөт. Аялдын орду коомдо болобу, саясатта болобу, жогору болушу керек. Биз өзүбүз акча таап, өнүгүшүбүз керек.

 

Белгилей кетсек, Кыргызстандын Жогорку Кеӊешинде аял депутаттардын саны 15%ын түзөт, бул шайлоо кодексинде бекитилген 30 пайыздык гендердик квотадан эки эсе аз.

 

Ал эми жергиликтүү кеңештерде аял депутаттар 11 пайызды түзөт. Бул Кыргызстандагы 453 айылдык кеңештин 86сында бир да аял депутат жок дегенди түшүндүрөт.

https://maralfm.kg/

Акыркы жаңылыктар

14.11.2019

«КЕЧ КҮЗДӨГҮ КУСАЛЫК» поэзия кечеси өтөт

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акындар, КР маданиятына эмгек сиңирген ишмер Мээркан Токсобаеванын жана КР Улуттук Жазуучулар союзунун мүчөсү Самидин Стамбековдун чыгармачылыгына арналат жана ал “Кеч күздөгү ...
13.11.2019

«Үчтөн кийин кеч»

“Роза Отунбаеванын демилгеси” Эл аралык коомдук фонду тарабынан ата-энелерге арналган наристени өнүктүрүүдөгү эң зарыл турган көндүмдөрүн, билгичтиктерин калыптандырууга багытталган маалыматтык салым кошууга арналган социалдык тармактарда «Үчтөн кийин кеч» баракчалары ачылды. Instagram, Facebook, Одноклассники жана Telegram социалдык тармактарынан Кыргызстан калкынын кеңири катмары баланы эрте жаш куракта өстүрүү, ата-эненин коомдогу орду жана озуйпасы, ...
06.11.2019

7-ноябрь - Маалымат жана басма сөз күнү

Бүгүнкү күндө, кыязы, биздин өлкөдө газета окубаган, телевизор көрбөгөн, радио укпаган же Интернеттеги жаңылыктарды иликтебеген бир да адам жок. Жалпыга маалымдоо каражаттары эчак эле коомубуздун ажыралгыс бөлүгү, социалдык, экономикалык жана саясий окуялар жөнүндө өз учурунда билүүгө жана ойлонууга жардам берген маанилүү булак болуп калды. Азыркы шарттарда алар коомдун өнүгүшүнө кыйла таасир этет. «Роза Отунбаеванын демилгеси» эл аралык коомдук ...
04.11.2019

«МКТ билим берүүдө: Санариптик мейкиндиктеги заманбап мугалим» педагогикалык өнөрканасы

«Роза Отунбаеванын демилгеси» эл аралык коомдук фонду 2019-жылдын жазында «Кыргызстандын санариптик мууну: МКТ билим берүүдө жана IT билим берүү» деген темада өткөрүлгөн 7-Билим фестивалынын алкагында иш-чараларды жүргүзүүнү улантып жатат, фестиваль Борбордук Азиядагы Америкалык университеттин базасында жана Бишкек шаарынын ортосунда 16 аянтчада өткөрүлгөн, аларга эки күндө 25 миңден ашык адам барган. 2019-жылдын 5-6-ноябрында «Роза Отунбаеванын ...
03.11.2019

«Гений» радиоберүүсү: Кыргызстандык окуучулардын геометрия боюнча Иран олимпиадада көрсөткөн ийгиликтери

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында геометрия боюнча Иран олимпиадасына катышкан кыргызстандык окуучулардын көрсөткөн жыйынтыктары жөнүндө сөз болду. Олимпиада үстүбүздөгү жылдын октябрь айында өтүп, ага 54 өлкөдөн 6 миң окуучу аралыкта катышкан. Кыргызстандан эки окуучу: Адилбек Абдырасулов күмүш медалын ал эми Барчынбек уулу Сыймык коло ...
02.11.2019

Роза Отунбаева медитация боюнча Стамбул конференциясына катышты

2019-жылдын 31-октябрында Роза Отунбаева медитация боюнча Стамбул конференциясына катышты, быйылкы жылы анын темасы «Тынчтыктын кызыкчылыгында эл аралык ортомчулук: кырдаалды талдоо жана келечектер» болду. Ал тынчтык жана ортомчулук маселелеринде региондук жана эл аралык уюмдардын ролуна арналды.   Иш-чаралардын алкагында БУУнун Башкы катчысынын жана жогорку деңгээлдеги Консультациялык кеңештин мүчөлөрүнүн жолугушуусу болуп өттү, анда ...
02.11.2019

Бишкекте «Ынтымактуу конуштар» долбоорунун жыйынтыктарын чыгарышты

Бишкекте 2019-жылдын 31-октябрында «Бишкек шаарынын турак-жай конуштарында тынчтыкты жана стабилдүүлүктү чыңдоо үчүн социалдык жана гендердик теңчиликти алга илгерилетүү» долбоору боюнча корутунду конференция өттү, долбоор борбордун турак-жай конуштарын өнүктүрүү боюнча өткөн жылдан тартып иштеди   Жыл аралыгында үч агенттик БУУ – ЮНФПА, ЮНИСЕФ, БУУнун Баңгизаттар жана кылмыштуулук боюнча башкармалыгы (БУУ БКБ) жана «Роза Отунбаеванын ...
31.10.2019

КР Вице-премьер-министри Алтынай Өмүрбекова Женевада «Пекин +25» региондук баяндама жолугушуусуна катышат

Кыргыз Республикасынын Вице-премьер-министри Алтынай Омурбекованын жана Швейцариянын Тышкы иштер федералдык департаментинин Мамлекеттик катчысы Паскаль Баэрисвиль айымдын төрагалыгы астында Женевада Улуттар Сарайында «Пекин + 25» деген эки күндүк региондук баяндама кеңешме өтүп жатат.   Түндүк Америкадан, Европадан, Кавказдан жана Борбордук Азиядан келген 700дөн ашык өзөктүү кызыкдар тараптар – гендердик теңчиликтин жаш тарапкерлеринен ...
22.10.2019

Вальдорф педагогикасынын 100 жылдыгына арналган майрам

20-октябрда "Дордой Плаза-II" соода борборунда Вальдорф педагогикасынын 100 жылдыгына арналган балдар үчүн майрам болуп өттү. Баланы жакшы көрүүгө арналган педагогика – 1919-жылы Рудольф Штайнер Германияда иштеп чыккан балдарды өнүктүрүүнүн бул методикасын ушундай мүнөздөөгө болот. Вальдорф мектептери бүткүл дүйнө боюнча – Африкадан Кытайга чейин, Америкадан Австралияга чейин иштейт. Өз алдынча болуп, чечимдерди кабыл алып, ойлоп жана ойлонуп, ...
21.10.2019

«Жүрөк ырдайт» поэзия кечеси болуп өттү

2019-жылдын 18- октябрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликте белгилүү акын , сатирачы, КР маданиятына эмгек сиңирген ишмер Жолочу Рысбаев жана Жазуучулар союзунун “Алтын калем” сыйлыгынын ээси Мая Осмонкулованын чыгармачылыгына арналган “Жүрөк ырдайт” аттуу поэзия кечеси менен Поэзия кечелеринин 2019-2020жж жаңы ...
19.10.2019

Элетке жетпеген санарип

Өлкөнү санариптештирүү багытында бийликтин, жарандык коомдун жана ишкер чөйрөнүн кызыкчылыктары улам көбүрөөк ачыкка чыгып, бул багытта чыйыр салгысы келген тараптар коомчулуктун көңүлүн буруга аракет кыла баштады.   Атап айтканда, буга чейин, 4-октябрда Бишкекте президент Сооронбай Жээнбековдун катышуусу менен «Борбордук Азиядагы санарип трансформациясы» деген конференциясы өтсө, акыркы күндөрү ...
18.10.2019

Санарипке карай жол

Үстүбүздөгү жылдын 15-16-17-октябрында КР экс-Президенти Роза Отунбаеванын катышуусу менен Жалал-Абад, Ош жана Баткен областтарында “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция жыйынтыкталды.   Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү, ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»