Пресс-центр Жаңылыктар

14.05.2019

Талас шаарында Искусство фестивалы болуп өттү

Үстүбүздөгү жылдын 11-май күнү Талас шаарында Балдардын искусство фестивалы болуп өттү. Иш чаранын максаты - Талас облусундагы балдарды, жаштарды жана жалпы элди искусствонун ар кандай түрлөрү менен тааныштыруу, кызыгуусун арттыруу жана искусство менен алектенгиси келген таланттуу балдарга колдоо көрсөтүү.


Искусство фестивалын КР экс-Президенти, “Роза Отунбаеванын демилгеси” Эл аралык коомдук фондунун негиздөөчүсү Р.И.Отунбаева жана КР Өкмөтүнүн Талас облусундагы Ыйгарым укуктуу өкүлү М.М.Мураталиев ачып, куттуктоо сөзүн сүйлөштү.


Р.Отунбаева өзүнүн сөзүндө балдар үчүн эстетикалык өнүгүүнүн маанисине токтолуп, аларды фестивалда уюштурулуп жаткан мастер-класстарга колдон келишинче көбүрөөк катышууга чакырды.


Аталган иш чарага балдар да, жаштар да, ата-энелер да көп келип катышышты. Алардын арасында Ч.Айтматовдун чыгармаларынын каармандарынын - “Ак кемедеги” баланын, бугу эненин, Биринчи мугалимдин,Алтынайдын, Акбаранын,Манкурттун, Султанмураттын, Мырзагулдун костюмдарын кийгендер болушту. Алар Ч.Айтматовдун чыгармалары боюнча каармандардын костюмдарына арналган сынактын катышуучулары эле. Булар Артфестивалдын көркүн ого бетер ачышты. Мындан тышкары иш чара учурунда дилбаян, сүрөт жана жаш китеп окуучулар деген аталыштардагы үч сынактын да жыйынтыгы чыгып, жеңүүчүлөр баалуу белектер менен сыйланышты.


Иш чара учурунда төрт аянтчада сүрөт тартуу, керамика (гончардык искусство), бедизчилик, кийиз басуу, сайма сайуу, чий куурчак жасоо ж.б. боюнча мастер-класстар өткөрүлдү. Келгендер дүйнөнүн ар кайсы өлкөлөрүндөгү сүрөт тартуунун түрлөрү: граттаж-түктө сүрөт тартуу, эбру (сууда сүрөт тартуу боюнча түрк искусствосу), квилинг (кагаздын жука катмарынан жасалган фигуралар, бул искусство Англиядан келген), Индонезиянын искусствосу болгон батик- кездемеде сүрөт тартуу боюнча тааныша алышты. Ошондой эле Өнүгүүнүн япон борбору япон барабандарында ойноо боюнча мастер класс өткөрдү. Азиянын чемпиону Айжан Съездбекова жана Робоскай борбору фестивалдын коноктору болушту.


Артфестиваль "Оодэдайко" япон барабанчыларынын, “Тумар” бий тобунун Ч.Базарбаев атындагы Бишкек хореографиялык окуу жайынын жаш балериналарынын жана Э.Асаналиев жетектеген Президенттик “Манас” камералык оркестринин катышуусундагы гала-концерт менен соңуна чыкты.


Белгилей кетсек, Балдар фестивалына 4000ге жакын адам келип катышты. Мындай иш чара балдардын искусствонун ар кандай жанрлары менен таанышуусуна шарт түзүп, жашоо жолунда искусствону сүйүүгө, аны ке сип катары тандоого шыктандыраарына шек жок. Демек, Фестиваль балдардын, жаштардын башын бириктирген маданий окуя гана болуп калбастан, алардын талантын ачууда, жана кызыгуусун жаратууда да мааниге ээ болду. Бул иш чара маданий көп түрдүүлүккө толеранттуу инсанды калыптандыруу , аны искусствонун түрлөрү аркылуу дүйнөлүк маданий баалуулуктарга аралаштыруу деген узак максатты да көздөйт.


Балдарга арналган артфестивалдын алкагында К.Медетбеков атындагы Талас облустук театрында “Роза Отунбаеванын демилгеси” Эл аралык коомдук фонду тарабынан даярдалган поэзия кечеси болуп өттү. Ыр кечеге КР Эл акыны Анатай Өмүрканов жана жаш акындар Алтынбек Исмаилов, Акбар Кубанычбеков, Рыскүл Изатова катышышты. Кечени таланттуу акын А.Исмаилов алып барды. Иш чара учурунда акындар өздөрү жазган ырларды окуп беришти. Бири бирине тамашалуу ырларын окуп, ыр таймаш өткөрүштү. Көрүүчүлөргө А.Өмүркановдун сөзүнө жазылган обондуу ырлар тартууланды. А.Кубанычбеков болсо өзүнүн сөзүнө жазылган “Мурас” аттуу обондуу ырын аткарып берди.


Кеченин соңунда Р.Отунбаева чыгып сүйлөп, иш чарага өзүнүн жогорку баасын берди жана катышкандарга ыраазычылыгын айтты.

Акыркы жаңылыктар

22.11.2019

ЖМК биз жөнүндө: Санарип-жаркын келечек!

21.11.2019

Биринчи радионун «Күндүн темасы» программасында Өнүгүүнүн чакырыктары жаңы багыттары деген темада сөз болду

Биринчи радионун "Күндүн темасы" программасында Өнүгүүнүн чакырыктары жаңы багыттары деген темада сөз болду.   Учурда дүйнөдө технологиялык прогресстер өтө тез өнүккөндүгүнө байланышуу жаңы чакырыктар менен бирге эле кооптонулар жаралды   Кыргызстандын санариптештирүүгө болгон аракети, жасалып жаткан иш тажрыйбасы жана сунуштар боюнча баарлашууга биз КР экс-Президенти, Мадрид клубунун мүчөсү, БУУ генералдык катчысынын Евразия аймагы боюнча ...
19.11.2019

Жыргалбек Курманбеков, Калыс-Ордо конушундагы 86 мектептин мугалими, «Санарип 50+» долбоорунун тренери: «Ата-энелерди электрондук почта менен иштөөгө даярдоо керек»

“Роза Отунбаеванын демилгеси” Эл аралык коомдук фонду КICB банк менен бирге улуу муундагы адамдар үчүн “Санарип 50+” долбоорун ишке ашырууда. Долбоордун максаты – 50 жаш курагындагыларга, дегеле бардык каалоочуларга смартфондун функцияларын, смартфон аркылуу маалыматтарды издөөгө, социалдык тармактарда баарлашууну, электрондук почтаны пайдалануу менен расмий каттарды жүргүзүүнү, ошондой эле каржылык санариптик куралдардын негизинде электрондук ...
19.11.2019

«Гений» радиоберүүсү: Мектеп окуучулар альтернативалык онлайн-олимпиадага катыша башташат

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында мектеп окуучулар үчүн биринчи жолу түзүлүп жаткан альтернативалык онлайн-олимпиада жөнүндө маек курдук. Окуучулар онлайн-олимпиадага ушул жылдын декабрь айынан тарта классына, мектебине карабастан катышып өз күчүн, билимин сыноого болот. Альтернативалык онлайн-олимпиаданын максаты жана ага катышуу жолдору ...
14.11.2019

«КЕЧ КҮЗДӨГҮ КУСАЛЫК» поэзия кечеси өтөт

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акындар, КР маданиятына эмгек сиңирген ишмер Мээркан Токсобаеванын жана КР Улуттук Жазуучулар союзунун мүчөсү Самидин Стамбековдун чыгармачылыгына арналат жана ал “Кеч күздөгү ...
13.11.2019

«Үчтөн кийин кеч» социалдык тармактарда

 “Роза Отунбаеванын демилгеси” Эл аралык коомдук фонду тарабынан социалдык тармактарда ата-энелерге арналган «Үчтөн кийин кеч» баракчалары ачылды. Анын максаты – эрте жаш курактагы наристелерди тарбиялап өстүрүү маселелери боюнча ата-энелердин билгичтигин, көндүмдөрүн калыптандырууга маалыматтык колдоо көрсөтүү. Instagram, Facebook, Одноклассники жана Telegram социалдык тармактарынан Кыргызстан калкынын кеңири катмары баланы эрте жаш куракта ар ...
06.11.2019

7-ноябрь - Маалымат жана басма сөз күнү

Бүгүнкү күндө, кыязы, биздин өлкөдө газета окубаган, телевизор көрбөгөн, радио укпаган же Интернеттеги жаңылыктарды иликтебеген бир да адам жок. Жалпыга маалымдоо каражаттары эчак эле коомубуздун ажыралгыс бөлүгү, социалдык, экономикалык жана саясий окуялар жөнүндө өз учурунда билүүгө жана ойлонууга жардам берген маанилүү булак болуп калды. Азыркы шарттарда алар коомдун өнүгүшүнө кыйла таасир этет. «Роза Отунбаеванын демилгеси» эл аралык коомдук ...
04.11.2019

«МКТ билим берүүдө: Санариптик мейкиндиктеги заманбап мугалим» педагогикалык өнөрканасы

«Роза Отунбаеванын демилгеси» эл аралык коомдук фонду 2019-жылдын жазында «Кыргызстандын санариптик мууну: МКТ билим берүүдө жана IT билим берүү» деген темада өткөрүлгөн 7-Билим фестивалынын алкагында иш-чараларды жүргүзүүнү улантып жатат, фестиваль Борбордук Азиядагы Америкалык университеттин базасында жана Бишкек шаарынын ортосунда 16 аянтчада өткөрүлгөн, аларга эки күндө 25 миңден ашык адам барган. 2019-жылдын 5-6-ноябрында «Роза Отунбаеванын ...
03.11.2019

«Гений» радиоберүүсү: Кыргызстандык окуучулардын геометрия боюнча Иран олимпиадада көрсөткөн ийгиликтери

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында геометрия боюнча Иран олимпиадасына катышкан кыргызстандык окуучулардын көрсөткөн жыйынтыктары жөнүндө сөз болду. Олимпиада үстүбүздөгү жылдын октябрь айында өтүп, ага 54 өлкөдөн 6 миң окуучу аралыкта катышкан. Кыргызстандан эки окуучу: Адилбек Абдырасулов күмүш медалын ал эми Барчынбек уулу Сыймык коло ...
02.11.2019

Роза Отунбаева медитация боюнча Стамбул конференциясына катышты

2019-жылдын 31-октябрында Роза Отунбаева медитация боюнча Стамбул конференциясына катышты, быйылкы жылы анын темасы «Тынчтыктын кызыкчылыгында эл аралык ортомчулук: кырдаалды талдоо жана келечектер» болду. Ал тынчтык жана ортомчулук маселелеринде региондук жана эл аралык уюмдардын ролуна арналды.   Иш-чаралардын алкагында БУУнун Башкы катчысынын жана жогорку деңгээлдеги Консультациялык кеңештин мүчөлөрүнүн жолугушуусу болуп өттү, анда ...
02.11.2019

Бишкекте «Ынтымактуу конуштар» долбоорунун жыйынтыктарын чыгарышты

Бишкекте 2019-жылдын 31-октябрында «Бишкек шаарынын турак-жай конуштарында тынчтыкты жана стабилдүүлүктү чыңдоо үчүн социалдык жана гендердик теңчиликти алга илгерилетүү» долбоору боюнча корутунду конференция өттү, долбоор борбордун турак-жай конуштарын өнүктүрүү боюнча өткөн жылдан тартып иштеди   Жыл аралыгында үч агенттик БУУ – ЮНФПА, ЮНИСЕФ, БУУнун Баңгизаттар жана кылмыштуулук боюнча башкармалыгы (БУУ БКБ) жана «Роза Отунбаеванын ...
31.10.2019

КР Вице-премьер-министри Алтынай Өмүрбекова Женевада «Пекин +25» региондук баяндама жолугушуусуна катышат

Кыргыз Республикасынын Вице-премьер-министри Алтынай Омурбекованын жана Швейцариянын Тышкы иштер федералдык департаментинин Мамлекеттик катчысы Паскаль Баэрисвиль айымдын төрагалыгы астында Женевада Улуттар Сарайында «Пекин + 25» деген эки күндүк региондук баяндама кеңешме өтүп жатат.   Түндүк Америкадан, Европадан, Кавказдан жана Борбордук Азиядан келген 700дөн ашык өзөктүү кызыкдар тараптар – гендердик теңчиликтин жаш тарапкерлеринен ...
22.10.2019

Вальдорф педагогикасынын 100 жылдыгына арналган майрам

20-октябрда "Дордой Плаза-II" соода борборунда Вальдорф педагогикасынын 100 жылдыгына арналган балдар үчүн майрам болуп өттү. Баланы жакшы көрүүгө арналган педагогика – 1919-жылы Рудольф Штайнер Германияда иштеп чыккан балдарды өнүктүрүүнүн бул методикасын ушундай мүнөздөөгө болот. Вальдорф мектептери бүткүл дүйнө боюнча – Африкадан Кытайга чейин, Америкадан Австралияга чейин иштейт. Өз алдынча болуп, чечимдерди кабыл алып, ойлоп жана ойлонуп, ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»