Пресс-центр Сүрөт галереясы

03.04.2019

КДК мүчөлөрү эми электрондук почта менен иштешет

Бишкек шаарынын он жаңы конушунун Коомдук ден соолук комитеттеринин мүчөлөрү кан басым боюнча маалыматты Үй-бүлөлүк дарыгерлер тобуна электрондук почта аркылуу жөнөтүп турушат. Атайын КДК мүчөлөрүнө ылайыкталган документ аркылуу, кан басымды өлчөгөндөн кийин аны дароо смартфон же компьютер аркылуу жөнөткөнгө үйрөтүүчү окутуулар 15, 26, 27, 28, 29 марттарда өттү.


Окутууга “Роза Отунбаеванын демилгеси” Эл аралык коомдук фонду менен ЮНФПАнын “Социалдык жана гендердик теңчиликти илгерилетүү аркылуу ынтымакты бекемдөө” долбооруна кирген Бишкек шаарынын он жаңы конуштарынын КДК мүчөлөрү, Үй-бүлөлүк дарыгерлер тобунун дарыгерлери, Бишкек шаардык ден соолукту бекемдөө борборунун өкүлдөрү катышышты.


Окутуунун максаты – тургундардын кан басымын мониторинг кылууда КДК мүчөлөрүнүн электрондук почта жана Гугл диск менен иштөөдө, маалыматты электрондук дарек аркылуу жөнөтүү боюнча билимин жогорулатуу.


Республикалык ден соолукту чыңдоо борборунун адиси Бактыгүл Токторбаева катышуучуларга жугуштуу оорулар жана аларды алдын алуу боюнча маалыматтарды берип өттү.


Окутууга катышкан Көлмө жаңы конушунун КДК төрайымынын орун басары Ордогүл Доскулова, мурун кан басым боюнча маалыматты дептерге жазып келишсе, эми ал маалыматты үйдөн эле смартфон аркылуу ҮДТ жөнөтүп туруш аябай жеңил болоорун айтып, буларга токтолду: Мобилдик технологияларды үйрөнүүгө мен өзүм аябай ынтызар болчумун. Бүгүн өз көзүм менен көрүп, кулагым менен угуп үйрөндүм, аны КДК мүчөлөрүнө дагы үйрөтөм. Анткени мен жашаган көчөдө эле 6-7 КДК мүчөлөрү бар, биз ортодо өз ара жардам берүү тобу болуп дагы иштеп жатабыз. Менин азыркы милдетим, бүгүнкү үйрөнгөндү КДК мүчөлөрүнө үйрөтүш. КДК мүчөлөрү көбөйүп жатабыз, азыр 20 ашып калдык. КДКга жаңыдан кызыгып кирип, активдүү иштеп жаткандар эми байкалып башташты. Биздин конуштагы жашоочулардын КДК кылып жаткан ишке кызыгуусу эми күчөп жатат, жакында эле дүкөнгө барсам “Сиз кан басымды өлчөйт турбайсызбы, сизге барсак болот турбайбы” деп сурап калышты, мен аларга “Ар дайым эшик ачык, келип кан басымыңарды өлчөтүп тургула” деп жооп бердим.


Жеңиш конушунун КДК мүчөсү Айнура Кошалиеванын айтымында тургундар тарабынан мүчө болуп кирем дегендердин саны арбын, көбү студенттер болсо, көбү жеке ишкерлер экен.


“Тургундар тарабынан биз жасаган ишке кызыгуусу күчөп жатат, бирок жашоо шартыбыздын талабы башка болуп жаткандыгынан, баардыгы келип акчага такалып жатат. Көптөгөн кызыккандардын арасында студенттер, жеке ишкерлер бар. Алар атайын бул ишке көңүл бөлөйүн дешет, өкүнүчтүүсү ишин таштап да кое албайт. Биз мобилдик технологияларды жакшы өздөштүрдүк, бүгүнкү окутууга Фельдшердик-акушердик пунктунан медайымдар келгени дагы жакшы болду. Анткени, мен буга чейин эле ФАПка кан басым боюнча маалыматты электрондук дарек аркылуу кабыл алууну сунуштагам, бирок алар жумушунун көптүгүнө байланыштырышкан эле. Айткандарына болбой, электрондук даректерин алып бирдиктүү документке кошуп койгом, себеби, алар дагы кан басым боюнча маалыматты алып турушу керек да. Мындан ары система жакшы иштейт деген ойдомун, анткени алар бул окутуулар аркылуу, өз көздөрү менен көрүп, ал документ менен кандай иштешти өздөштүрүп калышты”, - дейт А.Кошалиева.


Бакай-Ата конушунун КДКнин теңтөрайымы сөздөрүн мындай деп баштады: “Өзүмдү кылсам жарыя, менин атым Мария Осмонова, этим Кочкор, сөөгүм Ысык-Көл, барган жерим Шаты, күйөмдүн аты Ырыскелди” деп. КДК мүчөлөрүнүн арасында ар кандай таланты бар адамдар эмгектенип келишет.


Ошол эле Бакай-Ата конушунун КДК мүчөсү болуп эмгектенген 82 жаштагы Кульсина Жаналиева смартфон, компьютер аркылуу электрондук почта менен документтерди жөнөткөндү өздөштүрүп жатат.


КДК теңтөрайымы Мария Төрөжанова волейбол боюнча спорттун мастери катары, теңтөрайым жана аксакалдар сотунун төрайымы катары эл арасында системалуу иш жүрүп жаткандыгын, кан басымын текшерүүгө алган адамдар абдан ыраазычылыгын билдирип жаткандыгын жана бүгүнкү окутууга да конуштан КДК мүчөлөрү көбүрөөк келгендигин баса белгиледи.

 

Акыркы жаңылыктар

19.11.2019

Жыргалбек Курманбеков, Калыс-Ордо конушундагы 86 мектептин мугалими, «Санарип 50+» долбоорунун тренери: «Ата-энелерди электрондук почта менен иштөөгө даярдоо керек»

“Роза Отунбаеванын демилгеси” Эл аралык коомдук фонду КICB банк менен бирге улуу муундагы адамдар үчүн “Санарип 50+” долбоорун ишке ашырууда. Долбоордун максаты – 50 жаш курагындагыларга, дегеле бардык каалоочуларга смартфондун функцияларын, смартфон аркылуу маалыматтарды издөөгө, социалдык тармактарда баарлашууну, электрондук почтаны пайдалануу менен расмий каттарды жүргүзүүнү, ошондой эле каржылык санариптик куралдардын негизинде электрондук ...
19.11.2019

«Гений» радиоберүүсү: Мектеп окуучулар альтернативалык онлайн-олимпиадага катыша башташат

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында мектеп окуучулар үчүн биринчи жолу түзүлүп жаткан альтернативалык онлайн-олимпиада жөнүндө маек курдук. Окуучулар онлайн-олимпиадага ушул жылдын декабрь айынан тарта классына, мектебине карабастан катышып өз күчүн, билимин сыноого болот. Альтернативалык онлайн-олимпиаданын максаты жана ага катышуу жолдору ...
14.11.2019

«КЕЧ КҮЗДӨГҮ КУСАЛЫК» поэзия кечеси өтөт

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акындар, КР маданиятына эмгек сиңирген ишмер Мээркан Токсобаеванын жана КР Улуттук Жазуучулар союзунун мүчөсү Самидин Стамбековдун чыгармачылыгына арналат жана ал “Кеч күздөгү ...
13.11.2019

«Үчтөн кийин кеч»

“Роза Отунбаеванын демилгеси” Эл аралык коомдук фонду тарабынан ата-энелерге арналган наристени өнүктүрүүдөгү эң зарыл турган көндүмдөрүн, билгичтиктерин калыптандырууга багытталган маалыматтык салым кошууга арналган социалдык тармактарда «Үчтөн кийин кеч» баракчалары ачылды. Instagram, Facebook, Одноклассники жана Telegram социалдык тармактарынан Кыргызстан калкынын кеңири катмары баланы эрте жаш куракта өстүрүү, ата-эненин коомдогу орду жана озуйпасы, ...
06.11.2019

7-ноябрь - Маалымат жана басма сөз күнү

Бүгүнкү күндө, кыязы, биздин өлкөдө газета окубаган, телевизор көрбөгөн, радио укпаган же Интернеттеги жаңылыктарды иликтебеген бир да адам жок. Жалпыга маалымдоо каражаттары эчак эле коомубуздун ажыралгыс бөлүгү, социалдык, экономикалык жана саясий окуялар жөнүндө өз учурунда билүүгө жана ойлонууга жардам берген маанилүү булак болуп калды. Азыркы шарттарда алар коомдун өнүгүшүнө кыйла таасир этет. «Роза Отунбаеванын демилгеси» эл аралык коомдук ...
04.11.2019

«МКТ билим берүүдө: Санариптик мейкиндиктеги заманбап мугалим» педагогикалык өнөрканасы

«Роза Отунбаеванын демилгеси» эл аралык коомдук фонду 2019-жылдын жазында «Кыргызстандын санариптик мууну: МКТ билим берүүдө жана IT билим берүү» деген темада өткөрүлгөн 7-Билим фестивалынын алкагында иш-чараларды жүргүзүүнү улантып жатат, фестиваль Борбордук Азиядагы Америкалык университеттин базасында жана Бишкек шаарынын ортосунда 16 аянтчада өткөрүлгөн, аларга эки күндө 25 миңден ашык адам барган. 2019-жылдын 5-6-ноябрында «Роза Отунбаеванын ...
03.11.2019

«Гений» радиоберүүсү: Кыргызстандык окуучулардын геометрия боюнча Иран олимпиадада көрсөткөн ийгиликтери

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында геометрия боюнча Иран олимпиадасына катышкан кыргызстандык окуучулардын көрсөткөн жыйынтыктары жөнүндө сөз болду. Олимпиада үстүбүздөгү жылдын октябрь айында өтүп, ага 54 өлкөдөн 6 миң окуучу аралыкта катышкан. Кыргызстандан эки окуучу: Адилбек Абдырасулов күмүш медалын ал эми Барчынбек уулу Сыймык коло ...
02.11.2019

Роза Отунбаева медитация боюнча Стамбул конференциясына катышты

2019-жылдын 31-октябрында Роза Отунбаева медитация боюнча Стамбул конференциясына катышты, быйылкы жылы анын темасы «Тынчтыктын кызыкчылыгында эл аралык ортомчулук: кырдаалды талдоо жана келечектер» болду. Ал тынчтык жана ортомчулук маселелеринде региондук жана эл аралык уюмдардын ролуна арналды.   Иш-чаралардын алкагында БУУнун Башкы катчысынын жана жогорку деңгээлдеги Консультациялык кеңештин мүчөлөрүнүн жолугушуусу болуп өттү, анда ...
02.11.2019

Бишкекте «Ынтымактуу конуштар» долбоорунун жыйынтыктарын чыгарышты

Бишкекте 2019-жылдын 31-октябрында «Бишкек шаарынын турак-жай конуштарында тынчтыкты жана стабилдүүлүктү чыңдоо үчүн социалдык жана гендердик теңчиликти алга илгерилетүү» долбоору боюнча корутунду конференция өттү, долбоор борбордун турак-жай конуштарын өнүктүрүү боюнча өткөн жылдан тартып иштеди   Жыл аралыгында үч агенттик БУУ – ЮНФПА, ЮНИСЕФ, БУУнун Баңгизаттар жана кылмыштуулук боюнча башкармалыгы (БУУ БКБ) жана «Роза Отунбаеванын ...
31.10.2019

КР Вице-премьер-министри Алтынай Өмүрбекова Женевада «Пекин +25» региондук баяндама жолугушуусуна катышат

Кыргыз Республикасынын Вице-премьер-министри Алтынай Омурбекованын жана Швейцариянын Тышкы иштер федералдык департаментинин Мамлекеттик катчысы Паскаль Баэрисвиль айымдын төрагалыгы астында Женевада Улуттар Сарайында «Пекин + 25» деген эки күндүк региондук баяндама кеңешме өтүп жатат.   Түндүк Америкадан, Европадан, Кавказдан жана Борбордук Азиядан келген 700дөн ашык өзөктүү кызыкдар тараптар – гендердик теңчиликтин жаш тарапкерлеринен ...
22.10.2019

Вальдорф педагогикасынын 100 жылдыгына арналган майрам

20-октябрда "Дордой Плаза-II" соода борборунда Вальдорф педагогикасынын 100 жылдыгына арналган балдар үчүн майрам болуп өттү. Баланы жакшы көрүүгө арналган педагогика – 1919-жылы Рудольф Штайнер Германияда иштеп чыккан балдарды өнүктүрүүнүн бул методикасын ушундай мүнөздөөгө болот. Вальдорф мектептери бүткүл дүйнө боюнча – Африкадан Кытайга чейин, Америкадан Австралияга чейин иштейт. Өз алдынча болуп, чечимдерди кабыл алып, ойлоп жана ойлонуп, ...
21.10.2019

«Жүрөк ырдайт» поэзия кечеси болуп өттү

2019-жылдын 18- октябрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликте белгилүү акын , сатирачы, КР маданиятына эмгек сиңирген ишмер Жолочу Рысбаев жана Жазуучулар союзунун “Алтын калем” сыйлыгынын ээси Мая Осмонкулованын чыгармачылыгына арналган “Жүрөк ырдайт” аттуу поэзия кечеси менен Поэзия кечелеринин 2019-2020жж жаңы ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»