Пресс-центр Сүрөт галереясы

02.04.2019

«Жибек Жолу» интерактивдүү Көргөзмөсү - көп түрдүү маданият аянтчасы

2019-жылдын 2-апрелинде Борбор калаабыздагы Г. Айтиев атындагы көркөм сүрөт музейинде 5-28-апрелде өтө турчу “Жибек Жолу” интерактивдүү Көргөзмөсү тууралуу журналисттер үчүн пресс-кофе болуп өттү. Бул иш-чара “Роза Отунбаеванын Демилгеси”Эл аралык Коомдук фонду тарабынан уюштурулду.


Пресс-кофеде жергиликтүү ММКлардын өкүлдөрү көргөзмө тууралуу кенен маалымат алышты.


Аталган иш-чарада КР Экс-президенти жана “Роза Отунбаеванын демилгеси” Эл аралык Коомдук Фондунун негиздөөчүсү Роза Отунбаева, аталган фонддун аткаруучу директору Д. Кендирбаева, “Кийиз дүйнө” коомдук фондунун директору А.Асангулова, Г. Айтиев атындагы Улуттук Көркөм Сүрөт Музейинин директорунун орун басары С. Дайырова жана Тарых илимдеринен кандидаты, эксперт М. Иманкулов журналисттерге көргөзмөнүн жүрүшү, максаты жана иш-чара тууралуу негизги маалыматтарды берип, журналисттер тарабынан берилген суроолорго жооп беришти.


Иш-чаранын жүрүшүндө долбоордун демилгечиси, КР Экс-президенти Роза ИсаковнаКөргөзмөнүн идеясы тууралуу өз ойлору менен бөлүштү. Ал өз сөзүндө иш-чаранын негизги максаты балдардын көз карашын жана аң-сезимин өнүктүрүүгө жана өзгөртүүгө багытталгандыгын баса белгилеп, “Жаштарыбыз, кийинки муун зирек жана билимдүү өссө мамлекет катары утушта болобуз. Андыктан мектеп курагындагы балдар үчүн иш-чаралар өтө маанилүү.Маданият деген музей. Музейдеги иш-чаралар мамлекеттик деңгээлде өтөт, бирок, балдардын кругозорун кеңейтүүгө багытталган иш-чаралар болбойт. Ошол себептүү азыр кээ бир мектеп окуучулары керек болсо Нарын дарыясынын кайдан башталып, кайдан бүтөөрүн да билишпейт. Биз мунун моюнга алышыбыз керек. Андыктан бул иш-чаранын негизги максаты ата-энелер менен бирге мектеп окуучуларына адамзат цивилизациясынын өнүгүшүндө Жибек жолунун мааниси тууралуу маалымат берип, алардын таанып-билүүчүлүк ой чабытын өстүрүү болуп саналат” деп баса белгиледи.


Ошондой эле Р.Отунбаева жакын арада СаудАрабиясында болуп өткөн фестивалда Кыргызстандыктардын өз маданиятын, өнөрүн дүңгүрөтө көрсөтүп, дүйнө элин таң калтырып келгенин да сыймык менен айтты жана “Жибек жолу” Көргөзмөсү“Маданият төңкөрүшү” иш чарасынын алкагында болуп жатканын белгилеп өттү. Аны менен катар журналисттерге саясатка басым жасай бербестен, маданиятка жана маданият маселелерине тиешелүү берүүлөрдү дагы көбүрөөк даярдап, аларды бул тармакка олуттуу мамиле жасоого чакырып кетти.


Андан соң, тарых илимдеринин кандидаты, эксперт Мурат Иманкулов Жибек Жолу тууралуу фактыларга токтолуп, Жибек Жолу аркылуу компас, кагаз, дары ж.б Европага тарап тургандыгын, Жибек Жолу тарыхта сооданын жана маданияттын борбору болгонун айтып берди.


Г.Айтиев атындагы Кыргыз Улуттук Көркөм өнөр, Сүрөт Музейинин директорунун орун басары С.Дайырова “Жибек жолу” көргөзмөсүнүн балдарды тарбиялоодогу ролу чоң экендигин жана бул иш чара ириде үй-бүлөгө багытталгандыгына токтолду.


“Кийиз дүйнө” коомдук фондунун директору А. Асангулова жана эксперт Ч.Тентиева интерактивдүү көргөзмөгө болгон даярдыктар жана көргөзмөнүн интерактивдүү форматы жана башка өзгөчөлүктөрү тууралуу маалымат берип өтүштү.


Иш-чаранын аягында “Роза Отунбаеванын Демилгеси” Эл аралык Коомдук Фонддун аткаруучу директору Д.Кендирбаева Көргөзмөнүн уюштуруу иши, даярдыктар, өнөктөштөр тууралуу жалпы маалымат берип, баардык ММК өкүлдөрүн иш-чаранын башталышынан жыйынтыкталышына чейин чагылдырып берүүгө жана Көргөзмө тууралуу маалыматтарды таратууга көмөк көрсөтүүгө чакырып кетти. 

Акыркы жаңылыктар

22.11.2019

ЖМК биз жөнүндө: Санарип-жаркын келечек!

21.11.2019

Биринчи радионун «Күндүн темасы» программасында Өнүгүүнүн чакырыктары жаңы багыттары деген темада сөз болду

Биринчи радионун "Күндүн темасы" программасында Өнүгүүнүн чакырыктары жаңы багыттары деген темада сөз болду.   Учурда дүйнөдө технологиялык прогресстер өтө тез өнүккөндүгүнө байланышуу жаңы чакырыктар менен бирге эле кооптонулар жаралды   Кыргызстандын санариптештирүүгө болгон аракети, жасалып жаткан иш тажрыйбасы жана сунуштар боюнча баарлашууга биз КР экс-Президенти, Мадрид клубунун мүчөсү, БУУ генералдык катчысынын Евразия аймагы боюнча ...
19.11.2019

Жыргалбек Курманбеков, Калыс-Ордо конушундагы 86 мектептин мугалими, «Санарип 50+» долбоорунун тренери: «Ата-энелерди электрондук почта менен иштөөгө даярдоо керек»

“Роза Отунбаеванын демилгеси” Эл аралык коомдук фонду КICB банк менен бирге улуу муундагы адамдар үчүн “Санарип 50+” долбоорун ишке ашырууда. Долбоордун максаты – 50 жаш курагындагыларга, дегеле бардык каалоочуларга смартфондун функцияларын, смартфон аркылуу маалыматтарды издөөгө, социалдык тармактарда баарлашууну, электрондук почтаны пайдалануу менен расмий каттарды жүргүзүүнү, ошондой эле каржылык санариптик куралдардын негизинде электрондук ...
19.11.2019

«Гений» радиоберүүсү: Мектеп окуучулар альтернативалык онлайн-олимпиадага катыша башташат

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында мектеп окуучулар үчүн биринчи жолу түзүлүп жаткан альтернативалык онлайн-олимпиада жөнүндө маек курдук. Окуучулар онлайн-олимпиадага ушул жылдын декабрь айынан тарта классына, мектебине карабастан катышып өз күчүн, билимин сыноого болот. Альтернативалык онлайн-олимпиаданын максаты жана ага катышуу жолдору ...
14.11.2019

«КЕЧ КҮЗДӨГҮ КУСАЛЫК» поэзия кечеси өтөт

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акындар, КР маданиятына эмгек сиңирген ишмер Мээркан Токсобаеванын жана КР Улуттук Жазуучулар союзунун мүчөсү Самидин Стамбековдун чыгармачылыгына арналат жана ал “Кеч күздөгү ...
13.11.2019

«Үчтөн кийин кеч» социалдык тармактарда

 “Роза Отунбаеванын демилгеси” Эл аралык коомдук фонду тарабынан социалдык тармактарда ата-энелерге арналган «Үчтөн кийин кеч» баракчалары ачылды. Анын максаты – эрте жаш курактагы наристелерди тарбиялап өстүрүү маселелери боюнча ата-энелердин билгичтигин, көндүмдөрүн калыптандырууга маалыматтык колдоо көрсөтүү. Instagram, Facebook, Одноклассники жана Telegram социалдык тармактарынан Кыргызстан калкынын кеңири катмары баланы эрте жаш куракта ар ...
06.11.2019

7-ноябрь - Маалымат жана басма сөз күнү

Бүгүнкү күндө, кыязы, биздин өлкөдө газета окубаган, телевизор көрбөгөн, радио укпаган же Интернеттеги жаңылыктарды иликтебеген бир да адам жок. Жалпыга маалымдоо каражаттары эчак эле коомубуздун ажыралгыс бөлүгү, социалдык, экономикалык жана саясий окуялар жөнүндө өз учурунда билүүгө жана ойлонууга жардам берген маанилүү булак болуп калды. Азыркы шарттарда алар коомдун өнүгүшүнө кыйла таасир этет. «Роза Отунбаеванын демилгеси» эл аралык коомдук ...
04.11.2019

«МКТ билим берүүдө: Санариптик мейкиндиктеги заманбап мугалим» педагогикалык өнөрканасы

«Роза Отунбаеванын демилгеси» эл аралык коомдук фонду 2019-жылдын жазында «Кыргызстандын санариптик мууну: МКТ билим берүүдө жана IT билим берүү» деген темада өткөрүлгөн 7-Билим фестивалынын алкагында иш-чараларды жүргүзүүнү улантып жатат, фестиваль Борбордук Азиядагы Америкалык университеттин базасында жана Бишкек шаарынын ортосунда 16 аянтчада өткөрүлгөн, аларга эки күндө 25 миңден ашык адам барган. 2019-жылдын 5-6-ноябрында «Роза Отунбаеванын ...
03.11.2019

«Гений» радиоберүүсү: Кыргызстандык окуучулардын геометрия боюнча Иран олимпиадада көрсөткөн ийгиликтери

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында геометрия боюнча Иран олимпиадасына катышкан кыргызстандык окуучулардын көрсөткөн жыйынтыктары жөнүндө сөз болду. Олимпиада үстүбүздөгү жылдын октябрь айында өтүп, ага 54 өлкөдөн 6 миң окуучу аралыкта катышкан. Кыргызстандан эки окуучу: Адилбек Абдырасулов күмүш медалын ал эми Барчынбек уулу Сыймык коло ...
02.11.2019

Роза Отунбаева медитация боюнча Стамбул конференциясына катышты

2019-жылдын 31-октябрында Роза Отунбаева медитация боюнча Стамбул конференциясына катышты, быйылкы жылы анын темасы «Тынчтыктын кызыкчылыгында эл аралык ортомчулук: кырдаалды талдоо жана келечектер» болду. Ал тынчтык жана ортомчулук маселелеринде региондук жана эл аралык уюмдардын ролуна арналды.   Иш-чаралардын алкагында БУУнун Башкы катчысынын жана жогорку деңгээлдеги Консультациялык кеңештин мүчөлөрүнүн жолугушуусу болуп өттү, анда ...
02.11.2019

Бишкекте «Ынтымактуу конуштар» долбоорунун жыйынтыктарын чыгарышты

Бишкекте 2019-жылдын 31-октябрында «Бишкек шаарынын турак-жай конуштарында тынчтыкты жана стабилдүүлүктү чыңдоо үчүн социалдык жана гендердик теңчиликти алга илгерилетүү» долбоору боюнча корутунду конференция өттү, долбоор борбордун турак-жай конуштарын өнүктүрүү боюнча өткөн жылдан тартып иштеди   Жыл аралыгында үч агенттик БУУ – ЮНФПА, ЮНИСЕФ, БУУнун Баңгизаттар жана кылмыштуулук боюнча башкармалыгы (БУУ БКБ) жана «Роза Отунбаеванын ...
31.10.2019

КР Вице-премьер-министри Алтынай Өмүрбекова Женевада «Пекин +25» региондук баяндама жолугушуусуна катышат

Кыргыз Республикасынын Вице-премьер-министри Алтынай Омурбекованын жана Швейцариянын Тышкы иштер федералдык департаментинин Мамлекеттик катчысы Паскаль Баэрисвиль айымдын төрагалыгы астында Женевада Улуттар Сарайында «Пекин + 25» деген эки күндүк региондук баяндама кеңешме өтүп жатат.   Түндүк Америкадан, Европадан, Кавказдан жана Борбордук Азиядан келген 700дөн ашык өзөктүү кызыкдар тараптар – гендердик теңчиликтин жаш тарапкерлеринен ...
22.10.2019

Вальдорф педагогикасынын 100 жылдыгына арналган майрам

20-октябрда "Дордой Плаза-II" соода борборунда Вальдорф педагогикасынын 100 жылдыгына арналган балдар үчүн майрам болуп өттү. Баланы жакшы көрүүгө арналган педагогика – 1919-жылы Рудольф Штайнер Германияда иштеп чыккан балдарды өнүктүрүүнүн бул методикасын ушундай мүнөздөөгө болот. Вальдорф мектептери бүткүл дүйнө боюнча – Африкадан Кытайга чейин, Америкадан Австралияга чейин иштейт. Өз алдынча болуп, чечимдерди кабыл алып, ойлоп жана ойлонуп, ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»