Пресс-центр Пресс-релиздер

11.04.2013

Бишкекте жаш кыргызстандыктардын келечек билимине көңүл бурдуруу максатында, биринчи Билим фестивалы өтөт.

18-19 май күндөрү Бишкекте шаардын 6 борбордук аянтчасында Билим фестивалы өтөт. Фестивалдын уюштуруучулары “Роза Отунбаеванын демилгеси” Эл аралык коомдук фонду. 

Билим фестивалынын негизги максаты – бул шаардыктардын жана жалпы коомчулуктун мектепке чейинки, мектеп жана профессионалдык-техникалык билим, мектептен сырткары билимге көңүлүн буруу. Ошондой эле билим долбоорлоруна балдардын кызыкчылыгын арттыруу. 

Эки күндүк Билим фестивалы масштабы жана катышуучулардын саны жагынанабдан чоң болушу күтүлүүдө. Иш-чара бир убакытта бир нече территорияларда өткөрүлөт: Ала-Тоо аянты, “Дубовый Парк” сейил багы, Мамлекеттик тарых музейи, Т.Абдымомунов атындагы Кыргыз улуттук академиялык драмма театры, “Сейтек” балдар жана өспүрүмдөр улуттук борбору, «Ала-Тоо» кинотеатры жана Ч.Айтматов атындагы улуттук орус драма театры. 

Фестивалдын территориясы 8 интерактивдик аянтчаларга (класстарга) бөлүнүп, ал жерлерде 2 күн ичиде тарбиялык мааниси бар көргөзмөлөр, мастер-класстар, викториналар, сынактар жана концерттер өткөрүлөт. Жалпы үй-бүлөө менен төмөнкү класстарга барууга болот: “Бардыгы үчүн билим”, “Профессионалдык форум”, “Китеп жыйыны”, “Билимбектин лабароториясы”, “Жомок дүйнө”, “Спорттук класс” жана “Концерттик-театралдык класс”.Фестивалда мааниси жана масштабы жагынан уникалдуу болгон билим берүү кызматтарынын көргөзмө-жарманкеси (акча төлөнчү жана акысыз) жүрүп, ал жакта көптөгөн балдар жана өспүрүмдөр борборлору, мектеп жана проффессионалдык лицейлер, студия жана клубтар өздөрүн көргөзүшөт. Ошондой эле шаар тургундары жана коноктору балдарды өрчүтүүчү оюндардын, балдар эмеректери менен кийимдерин көргөзмө сатыгына катыша алышат. Ошол эле жерде кайрымдуулук жарманкеси өтөт. Жараманкеден түшкөн каражаттар специалдаштырылган билим берүү мекемелерине жөнөтүлөт. 

Айыл бала бакчалары жана мектептер үчүн китептер менен оюнчуктарды чоглутуу үчүн атайын кайрымдуулук акциясы каралган. Фестивалдын коноктору белгилүү балдар жазуучулары менен жолугуша алышат, ал эми көрүнүктүү инсандар бөбөктөргө арнап жомок окуп беришет, балалык кыялдары менен бөлүшүшөт. 

Мугалимдер үчүн кызыктуу мастер класстар жана тегерек столдор өтөт. Эң кызыктуусу, ар бир аянтчада тематикалык сынактарга катышып, спектакль жана концерттерди көрүп, балдар китептерин сатып алып же алмаштырып, баалуу археологиялык табылгаларды казып алууга катышып, айтор, жалпы үй-бүлөө менен шаңдуу эс алууга мүмкүн болот. 

«Биз ата-энелер менен мугалимдердин, жигердүү жаштар менен жалпы коомчулуктун көңүлүн билим берүү маселелерине бурууга кызыктарбыз. Биринчи Фестивалдын өткөрүлүшү, мындай тажырыйбаны республикага таркатууга чоң түрткү болуп берет деп ишенебиз. Ошондо көптөгөн ата-энелер өз балдарынын келечегине чөң салым кошуп башташат, мындай көрүнүш бизге акырындык менен жыйынтыгында күчтүү муунду жаратып берет», – деп белгилешет Фестивалдын уюштуруучулары. 

Биринчи Билим фестивалына билим берүү мекемелери, балдар борборлору, магазиндер, ассоциациялар жана бейөкмөт уюмдар, мамлекеттик ведомстволор, эл аралык уюмдар жана донорлор жааматы жана билим берүү жаатындагы ишмерлер (жазуучулар. Сүрөтчүлөр, эксперттер, эл агартуучулар, ыктыярчылар, ата-энелер), массалык маалымат каражаттары жана бул тармакка кызыктар болгон бардык каалоочулар чакырылат! 

Билим фестивалынын уюштуруу комитети: 

«Роза Отунбаеванын демилгеси» Эл аралык коомдук фонду 

Тел.: +996 (312) 66-03-82, 89-81-65 

Моб.тел.: +996 555 98-80-98, 0 551-77-26-67 

Эл.дарек: bilimfestival@roza.kg 

Сайт: www.roza.kg 

Социалдык тармактагы иш-чаралар:

   


Акыркы жаңылыктар

13.12.2019

Кыргыздардын баатырдык эпосунун «Манас сүрөттө» аттуу китеп жарык көрдү

12-декабрь – улуу жазуучу Чынгыз Айтматовдун туулган күнүнө карата “Роза Отунбаеванын демилгеси” Эл аралык коомдук фонду тарабынан “Манас сүрөттө” аттуу кыргыз тилиндеги китептин бет ачары болду. Иш-чарага мамлекеттик билим берүү мекемелеринин өкүлдөрү, жазуучулар, акындар, коомдук саясий ишмерлер, эксперттер, маданият жана искусство ишмерлери, Кыргыз Республикасындагы чет мамлекеттердин дипломатиялык өкүлчүлүктөрү, эл аралык ...
05.12.2019

«Каректеги жаз » поэзия кечеси өтөт

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акындар, КР Ардак грамотасынын ээси, КР Улуттук Жазуучулар союзунун мүчөсү Жыпар Акунова жана КР Билим берүүсүнун мыктысы, акын Клара Кичинемолдоеванын чыгармачылыгына арналат жана ал ...
04.12.2019

Роза Отунбаева: Мен элечек кийип, элет деп жүргөндө сынчылар кайда эле?

Кыргызстандын экс-президенти Роза Отунбаеванын Бишкектеги жыйында айылдыктар жөнүндө сүйлөгөн сөзү кызуу талкууга түштү. Би-Би-Си Кыргызстандын экс-президентинин өзү менен ушул темада кенен маек курду. Би-Би-Си: Айылдыктар жөнүндө сүйлөгөн сөзүңүз абдан талаш-талкуу жаратты. Айрымдар сизди туура маселени көтөрдү десе, дагы бирлери сизди эмоцияга алдырып жиберди деп жатышат. Аныгында кандай болду? Р. Отунбаева: Мен абдан олуттуу урбанизация маселесин ...
04.12.2019

Акция! Пенсионерге смартфон тартуула!

Кымбаттуу достор! Жаңы Жылдын алдында «Роза Отунбаеванын демилгеси» эл аралык коомдук фонду Кызыл Жарым Ай жана «Active volunteers» волонтердук уюму менен бирдикте «Пенсионерге смартфон тартуула!» кайрымдуулук акциясын өткөрүп жатат. Акциянын максаты – санариптик процесстерге улуу муунду тартуу жана смартфондорду пайдалануу аркылуу мүмкүнчүлүктөрүн кеңейтүү. Силер тартуулаган, иштеп жаткан абалдагы ар бир смартфон Кызыл Жарым Ай аркылуу аз ...
03.12.2019

«Гений» радиоберүүсү: Ата-энелер үчүн наристелерди эрте жаштан өнүктүрүү үчүн пайдалуу кеңештери менен «Үчтөн кийин кеч» аттуу социалдык тармактарда маалымат баракчасы ачылды

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында “Үчтөн кийин кеч” аттуу маалымат баракчалары жана үч жашка чейинки баланы кандай өнүктүрүү керектиги жөнүндө эксперттер менен маек курдук.  
30.11.2019

Экс-президент Роза Отунбаева окуучулар менен жолугушту

20-ноябрда Бишкек шаарындагы профессор А.Молдокулов атындагы Улуттук инновациялык технологиялар мектеп-лицейинде Кыргыз Республикасынын Экс-президенти Роза Отунбаеванын окуучулар менен жолугушуусу болду. Жолугушуу 5-11-класстардын окуучуларынын алдыңкыларын шыктандыруу максатында уюштурулуп, "Балдарга турмушка багыт берүүдөгү лидерлердин ролу" теманын тегерегинде балдар менен ой-пикир бөлүштү. Р.Отунбаева мультимедиа кабинети, ...
26.11.2019

БАА ЖЕТКИС ТАБЕРИК

Бай терек бой кере бийик өсүшү үчүн тамыры тереңдеши, мөмөлүү дарак бутактары жайкалып, жемиши мол болушу үчүн тамыры кенен жайылышы керек. Бул үчүн багбан кыртышты табигый, нукура азыктар менен багып, семиртиши, бакты бир тамчы да зыяндуу зат кошулбаган мөлтүр тунук суу менен сугарышы зарыл. Өзөгүндө улуттук дөөлөттөр сакталган, эзелки рухий башаттын эскирбес касиети менен каныккан таалим да балдарыбыздын ар тараптан эркин инсан болуп жетилишине ...
25.11.2019

«Балетке билет»: «Балдар филармониясынын» жаңы сезонунда биринчи концерт-презентация өттү

22-ноябрда «Балдар филармониясы» музыкалык-билим берүү программасынын алкагында концерт-презентация өттү. Концерт-презентация Чолпонбек Базарбаев атындагы Бишкек хореографиялык окуу жайынын жайлуу театрында өттү. Презентация жаш көрүүчүлөрдү негизги балет терминдери: фондю, батман, гран-батман, фуэте жана башкалар менен тааныштырды. Андан соң балеттин келечектеги жаш чеберлери өздөрүнүн меймандары үчүн чакан концерт берди. Презентацияны ...
23.11.2019

«Кеч күздөгү кусалык» поэзия кечеси болуп өттү

2019-жылдын 22-ноябрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликте уюштурган белгилүү акын , КР маданиятына эмгек сиңирген ишмер Мээркан Токсобаеванын жана КР Улуттук Жазуучулар союзунун мүчөсү Самидин Стамбековдун чыгармачылыгына арналган “Кеч күздөгү кусалык ” аттуу поэзия кечеси болуп өттү. Иш чара учурунда акындар ...
22.11.2019

ЖМК биз жөнүндө: Санарип-жаркын келечек!

Ак-Босого конушундагы "Санарип 50+" долбоорунун окуу борборуна бүгүн журналистер баш багышты. Тренер Курманбек Нураков конуштун кадырлуу жаш курагындагы тургундарына санариптик жана каржылык сабаттуулуктун негиздерине үйрөттүдө.
21.11.2019

Биринчи радионун «Күндүн темасы» программасында Өнүгүүнүн чакырыктары жаңы багыттары деген темада сөз болду

Биринчи радионун "Күндүн темасы" программасында Өнүгүүнүн чакырыктары жаңы багыттары деген темада сөз болду.   Учурда дүйнөдө технологиялык прогресстер өтө тез өнүккөндүгүнө байланышуу жаңы чакырыктар менен бирге эле кооптонулар жаралды   Кыргызстандын санариптештирүүгө болгон аракети, жасалып жаткан иш тажрыйбасы жана сунуштар боюнча баарлашууга биз КР экс-Президенти, Мадрид клубунун мүчөсү, БУУ генералдык катчысынын Евразия аймагы боюнча ...
19.11.2019

Жыргалбек Курманбеков, Калыс-Ордо конушундагы 86 мектептин мугалими, «Санарип 50+» долбоорунун тренери: «Ата-энелерди электрондук почта менен иштөөгө даярдоо керек»

“Роза Отунбаеванын демилгеси” Эл аралык коомдук фонду КICB банк менен бирге улуу муундагы адамдар үчүн “Санарип 50+” долбоорун ишке ашырууда. Долбоордун максаты – 50 жаш курагындагыларга, дегеле бардык каалоочуларга смартфондун функцияларын, смартфон аркылуу маалыматтарды издөөгө, социалдык тармактарда баарлашууну, электрондук почтаны пайдалануу менен расмий каттарды жүргүзүүнү, ошондой эле каржылык санариптик куралдардын негизинде электрондук ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»