Пресс-центр Чыгыш сөздөр жана докладдар

06.03.2013

Отунбаева-Бабанов: ушактын кулагы кайда?

Ошол эле убакта Өмүрбек Бабанов жергиликтүү маалымат каражаттарына берген интервьюсунда төңкөрүшкө каршы экенин, ал эми Роза Отунбаева революциянын жеңиштерин коргоп алууга күчтөр бар экенин өз-өзүнчө айтып чыгышты. 

“Ийленген” имиштер 

“Үчүнчү төңкөрүш” жана Отунбаева-Бабанов “тандемине” байланыштуу макала, маектер “Де Факто” “Айбат” жана башка бир катар жергиликтүү массалык маалымат каражаттарында жарык көрдү. 

Мурдагы премьер-министр, “Республика” партиясынын лидери Өмүрбек Бабанов эки күндүн ичинде үч маалымат каражатына төңкөрүшкө каршы экенин, бирок парламентти таратууну талап кылган акцияларга каршы эместигин айтып чыкты. 

“Биринчиден, менин оюмча, дагы бир революция же төңкөрүштү биздин мамлекет көтөрө албайт. Кыргызстанда башка бир да төңкөрүш же революция болбошу керек”, – дейт Бабанов K-News маалымат агенттигиндеги интервьюсунда.Ошол эле маалымат агенттигиндеги экинчи маегинде Бабанов өлкөдө тез арада конституциялык реформа жасалып, бийлик таза президенттик же таза парламенттик болууга тийиш деп эсептейт. 

Бул учурда Ошто өз фондунун иши менен жүргөн экс-президент Роза Отунбаевага Араван районунун тургундары айрым маалымат булактары аны экс-премьер Бабанов менен байланыштырып, азыркы бийликке каршы иштеп жатат деп жазганын тактап берүүнү суранышкан. 

Роза Отунбаева мындай суроолорго: “Мен Ош облусундагы бала бакча маселелери, окуучуларды кесиптик-техникалык окуу жайларга тартуу жана энелердин коопсуздугу сыяктуу көйгөйлөр менен жүрсөм, мени кайсы бир ойго келбеген иштерге кошуп, ар түрдүү ушактарды таратып гезиттерге жазып чыгышыптыр. Өмүрбек Бабанов кызматтан кеткенден бери аны көрө элекмин. Болду эми, революциялар болду, өттү, өнүгүүнүн, куруунун да чагы келди. Баарыбыз президентке жардам берип, азыркы коомдун курч проблемаларын чечкенге киришпейлиби? Эгер стабилдүүлүккө доо кетирип, азыркы курсту артка бурабыз деген күчтөр чыга турган болсо, аларды токтотконго күч жетет”, – деп жооп берди. 

Отунбаева жана Бабановду азыркы бийликке каршы биригиши тууралуу жазып чыккандардын бири саясат таануучу Табылды Акеров. Анын макаласы интернет сайттарга да жайылды. Табылды Акеровдон ал эмнеге таянып антип жазганын сурадык. 

- Булардын фамилиялары коомчулукка белгилүү болгондуктан, революциялык маанай түзүү үчүн айрым күчтөр ушуну колдонгусу келгендей. Өзүмдүн материалымда Роза Отунбаеванын бул жерге тиешеси жок экенин айтып, бирок ал сөзсүз түрдө коомчулукка өз позициясын билдирип коюшу керек, себеби маалымат өтө көп тарап жатат дегем. 

Саясат таанучунун пикиринде, Отунбаева менен Бабановдун атын колдонгусу келген күчтөр бар, имиштер ошондуктан атайын таратылып жатат. Ошол эле убакта аты аталган саясатчылардын кандайдыр бир жолугушуулары же төңкөрүшкө даярданып жатканы тууралуу далилдер эч кимде жок. 

- Далилдер жок, бирок аймактарда сөздөр өтө көп жүрүп жатат. “Ата-Журт” менен “Республика” биригеби деп сурап жатышат. 

“Ата-Журт” партиясынын лидерлеринин бири Акматбек Келдибековдун аты да оппозицияга байланыштуу көп аталууда. 

Акматбек Келдибеков оппозициялык кыймылдардын ичинен акчасы, адам ресурсу жана саясий таасири жагынан белгилүү. Ал эми “Ата-Журт” партиясынын башка лидерлери Камчыбек Ташиев, Садыр Жапаров жана Талант Мамытов, Кубатбек Кожоналиевдин үстүнөн жүрүп жаткан сот аздыр-көптүр кишилерди эмитен эле көчөгө чыгарууда. 

Дагы бир саясат таануучу Марс Сариевдин пикиринде, кезектеги төңкөрүш тууралуу сөздөр ишке ашышы күмөн: 

- Отунбаева, Бабанов жана Келдибековдун төңкөрүш жасоо үчүн биригүүсүнө көзүм жетпей турат. Кырдаал такыр башкача. Үчөө тең прагматиктер жана турмушка реалдуу көз караш менен караган саясатчылар. 

Ошол эле учурда мындай имиштердин чыгышына азыркы президент Алмазбек Атамбаевдин айланасындагы адамдар да кызыкдар болушу мүмкүн. 

- Ушундай ыкма менен айрым адамдар өздөрүн керек сезишет. Негизи эле мындай учурда айрым саясатчылар жакшы пайда көрүшөт. 

“Кыргызстан үчүнчү ыңкылапты көтөрө албайт” 

Марс Сариев төңкөрүштү ишке ашыруу үчүн азыркы геосаясий кырдаал да дал келбесин түшүндүрдү: 

- Орусия менен АКШнын тирешүүсү чечүүчү ролду ойнойт. Азыр Атамбаевде Орусиянын ачык жана түз колдоосу бар, ошол эле убакта АКШ 2005-жылдагыдай чечкиндүү кадамдарга кызыкдар эмес, бул Атамбаевге пайда алып келүүдө. 

Кыргызстанда жазында түрдүү митингдердин жанданышы көнүмүш адатка айланып, көпчүлүк адамдарда дагы эмне болуп кетет деген чочулоо калыптангандай. 

Февраль айынын экинчи жарымында Жалал-Абад, Баткен жана Ош облустарында жалпысы 10-15 миңдей диск жайылганы жөнүндө маалымат пайда болду. “Ууланган Кумтөр” деп аталган диск кендин зыяндуулугу жөнүндө башталып, анын аки-чүкүсү жөнүндө толук маалыматтарды баяндайт. 

Ошол эле учурда ар кандай талаптар менен, анын ичинде парламентти таркатуу талабы менен нааразылык акциясына чыгууну болжоп жаткан саясий топтор активдешти. 

Коомдук ишмер Мирослав Ниязов башында турган топтор парламентти таркатуу талабы менен, Мукар Чолпонбаев башында турган “Кыргызстанды сактоо” кыймылы Кумтөрдү мамлекетке кайтаруу, саясий куугунтукту токтотуу талабы менен марттын орто ченинде нааразылык акциясына чыгышаарын жарыялашты. 

1-мартта Талас шаарында облустун аймагында кен иштетүүгө каршы митинг өттү. Милициянын айтымында, ага 20 киши чыкты. Уюуштуруучулар болсо акцияга келгендердин саны 200 киши деп жатат. Ал эми көз каранды эмес байкоочулардын билдиргенине караганда, элдин саны 100дүн тегерегинде. Митингди “Талас элинин ынтымагы” кыймылы уюштурду. 

Мындай имиш кептерге карата камтамачылыгын бүгүн өлкө башчысы Алмазбек Атамбаев да билдирип, Кыргызстан үчүнчү ыңкылапты көтөрө албастыгын айтып чыкты. Президент бул тууралуу Сот реформасы боюнча кеңештин кезектеги жыйынында сүйлөп жатып билдирди. 

Мамлекет башчы соңку мезгилде бийликти басып алууга үндөгөн маанайдагы материалдар жалпыга маалымдоо каражаттары аркылуу көп чыгып жатканын, бул туура эмес экенин айтып, өлкө тагдыры менен ойнобош керектигин, эгер кимдир бирөөлөргө бийлик керек болсо шайлоого камдануусу зарылдыгын белгиледи. 

Эгемен Кыргызстандын тарыхында эки жолу – 2005 жана 2010-жылдары элдин массалык нааразылыгынан улам бийлик алмашып, эки президент өлкөдөн качып кетүүгө мажбур болгон.

 

АЗАТТЫК

Акыркы жаңылыктар

27.02.2020

«Күттүргөн жаз» поэзия кечеси аншлаг менен өттү

21-февралда Т.Сатылганов атындагы Кыргыз Улуттук Филармониянын Кичи залында «Күттүргөн жаз» деп аталыштагы поэзия кечеси болуп өттү. Кече акындар Бактыгүл Курманалиеванын, Айсалкын Сыдыкбекованын жана Турдубек Токтосуновдун чыгармачылыгына арналды. «Күттүргөн жаз» поэзия кечеси сахнанын улуттук колориттеги жасалагасы менен өзгөчөлөнүп, аны акын Алтынбек Исмаилов алып барды.   Бактыгүл Курманалиева Ош облусунун Өзгөн районунунда төрөлгөн. ...
25.02.2020

Кадамжайдагы мектептерде балдардын тамак ашына сатып алуу боюнча салыштыруу жана сурамжылоо жүргүзүлдү

«Р.Отунбаеванын демилгеси» эл аралык коомдук фонду 2014-жылдан бери БУУ бүткүл Дүйнөлүк Азык Түлүк Программасынын “Кыргыз Республикасында башталгыч мектептерге тамак-аш программасын оптималдаштыруу” программасынын алкагында иш алып барып келет. 24-февралда Фонддун эксперттери Кадам Жай районундагы (Баткен облусу) мектептердин тамак ашына сатып алуу процессин карап чыгып, өз алдынча сатып алуу жүргүзүп жаткан мектептердин ишмердигине ...
25.02.2020

Түркия мектепке чейинки билим берүү чөйрөсүндөгү тажрыйбасы менен бөлүшүүдө. 2-бөлүк

16-февралдан 18-февралга чейинки сапардын программасы жөнүндө материалдын биринчи бөлүгү мурдагы макалада, шилтеме боюнча: https://roza.kg/ 19-февралда делегация Кучукчекмедже Муниципалитетиндеги “Папатия” балдар бакчасына барды, ал, башкаларга салыштырганда, чоң аянтка ээ. Балдар бакчасынын аймагында кемпинг үчүн участоктор, өрдөктөрдү, коендорду жана башкаларды багуу үчүн участоктор, өсүмдүктөрдү өстүрүү үчүн участоктор бар жана кала берсе ...
21.02.2020

КР мектепке чейинки билим берүү тутумунун өкүлдөрү Түркияда таанышуу сапары менен жүрөт

«Роза Отунбаеванын демилгеси» Эл аралык коомдук фондунун «Жайлоо өнүгүү борборлору», долбоорунун 2019-жылдагы ишинин жыйынтыктары боюнча жигердүү катышуучулар, уюштуруучулар жана өнөктөр Түркияга сапар менен сыйланган. Түркияга сапар алмашуу сапардын программасы Түрк дүйнөсү муниципалитеттердин союзу (TDBB) колдоосу менен уюштурулуп жатат. КРнын билим берүү тутумунун 12 өкүлү Стамбул шаарынын Муниципалитет теринин билим берүүсүнүн мектепке ...
19.02.2020

Тынчтыкты жана тынчтыкты орнотууну колдоо маселелери Женевада каралып жатат (Швейцария)

2020-жылдын 18-19-февралында Женева шаарында (Швейцария) Бириккен Улуттар Уюмунун тынчтык орнотуу архитектурасын обзору боюнча тематикалык консультациялар өтүп жатат, ал изилдөө борборлордун тобу менен уюштурулган, тактап айтканда, тынчтык орнотуу боюнча Женеа платформасы тарабынан Швейцария Өкмөтү менен биргеликте. Консультациянын максаты БУУнун тынчтык орнотуу боюнча соңку 5 жылдык иштерине обзор кылуу.БУУнун башкы катчысы А.Гуттериш 5 көрүнүктүү эл ...
18.02.2020

Сиздерди 2020-жылдын 8-чи Билим берүү фестивалына жана Билим берүү кызмат көрсөтүү жарманкеге катышууга чакырабыз

БФ өткөрүүнүн датасы жана убактысы:  2020-ж. 18-апрель (суббота), саат 10:00дөн 18:00гө чейин.  Жери:  Т.Сатылганов атындагы Кыргыз Улуттук филармониясынын аймагы жана  айланасындагы 10дон ашуун аянтчалар,  Кыргызстандын Эл аралык Университети (КЭУ). Сизге маалым болгондой, Бишкек шаарында  жыл сайын соңку 7 жылдын ичинде шаардын жашоосунун ажырагыс бөлүгү болуп калган жана анын жакшы салттарынын бирине айланган Билим берүү фестивалы өткөрүлүп ...
11.02.2020

Кечээ борбордо «Илимдеги кыздардын жана аялдардын эл аралык күнү» белгиленди

10-февралды бүткүл дүйнө “Илимдеги кыздардын жана аялдардын эл аралык күнү” катары белгилөөдө. Бул күн кыздардын адатынча “эркектердин” деп эсептелинген илим, техника, технологиялар жана IТ менен байланыштуу кесиптерди тандоодогу кыздардын укуктарын коргоого арналган. Бишкекте бул күндү илимдин өнүгүшүнө чоң салым кошкон белгилүү аялдар-илимпоздордун, ошондой эле илимди жана IT ни кесип кылып тандап алган жана өз жаатында ийгиликтерге жетишкен ...
08.02.2020

8- Билим берүү фестивалын тосуп алуу: жогорку класстын окуучулары менен жолугушуулар

4-8-февралда программалык камсыздоолорду жана тейлөөлөрдү иштеп чыгуучулардын Кыргыз Ассоциациясынын жана IT академиясынын негиздөөчүсү А. Абакировдун № 91, 96 жана 28 мектептеринин жогорку класстын окуучулары менен жолугушуулары улантылды. Презентациянын жүрүшүндө А. Абакиров санариптик дүйнөдө билим берүүнүн маанилүүлүгүнө токтолуп, окуучуларды Кыргызстандагы IT рыноктун өсүшү менен тааныштырды, мындан тышкары заманбап дүйнөдөгү жоголуп бара ...
07.02.2020

Бишкекте тынчтыкты жана социалдык биримдикти сактоодо билим берүүнүн ролу талкууланды

Бишкекте 6-февралда “Социалдык биримдик жана тынчтык үчүн билим берүү” конференциясы өттү. Конференциянын иши мамлекеттик сектордун өкүлдөрүнүн, билим берүү жана илимий-изилдөө институттарынын, билим берүү жаатындагы жаш активисттердин, эксперттердин жана практиктердин арасындагы социалдык биримдик жана тынчтык, туруктуу өнүгүү кызыкчылыгында билим берүүнүн негизги аспекттери боюнча тажрыйба, билим жана идеялар менен алмашууга көмөктөшүүгө ...
06.02.2020

«КҮТТҮРГӨН ЖАЗ» поэзия кечеси өтөт

«Роза Отунбаеванын демилгеси» Эл аралык коомдук фонду, Т.Сатылганов атындагы Кыргыз Улуттук Филармониясы жана Кыргыз Улуттук Жазуучулар союзу менен биргеликте жумурай журтка таанымал белгилүү акындардын жана элдин сүймөнчүлүгүнө арзып келаткан жаш акындардын поэзия кечелерин өткөрүүнү төрт жылдан бери үзгүлтүксүз улантып келүүдө. Кезектеги кече эсеп боюнча кыркынчы жана ал акындар Курманалиева Бактыгүл, Сыдыкбекова Айсалкын жана Токтосунов ...
04.02.2020

«Модерн vs Классика» концерт-презентацияга чакырабыз

"Бий – бул дененин кыймылы аркылуу бошолуп чыккан жан сезимдеринин чагылдыруусу” – деп, бийди, тактап айтканда заманбап/модерн бийди мүнөздөгөн хореограф Марта Грэм. Сиздердин ар бириңиздер бийдеги жандуу кыймылдан кийин ушул эркиндикти, жыргалчылыкты, жеңилдикти сезген болсо керек. Билим берүү системасында балдарды дүйнө таануу, жаратылыштын, же химиялык процесстердин мыйзамдары менен тааныштырууга көп убакыт бөлүнөт, бирок баланын өзүн жана өз ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»