2012-ЖЫЛ: «DiscoverAsia» демилгеси

Фонддун 2012-жыл башталган демилгелеринин бири Кыргызстанды өнүктүрүү максатында дискуссиялар, пикирлерди түзүү, ошондой эле бардык прогрессивдүү күчтөрдү баш коштуруу үчүн коммуникациялык мейкиндиктерди түзүү болуп калды.

«DiscoverAsia» – бул бизнес мүмкүнчүлүктөр, маданият жана салттар жөнүндө, ошондой эле Кыргызстандагы максаттуу аудиториялар үчүн уюштурулган чогулуштар жана иш-чаралар аркылуу Азия өлкөлөрүнүн экономикалык ийгиликтери жөнүндө билимдерди жогорулатуу үчүн ушундай демилгелердин бири. Бул туруктуу (ар айдагы) иш-чаралар чет өлкөлүк элчиликтер, бизнесмендер, эксперттер жана тигил же бул иш-чаранын фокусу болуп саналган өлкөлөрдүн саясатты иштеп чыгуучулары менен бирге уюштурулган болчу.

2012-жылдын ичинде «Азияны ачуу» демилгесинин алкагында жогорку деңгээлдеги төмөнкүдөй алты иш-чара өткөрүлдү:

• Бангладеште микро-финансылык секторду өнүктүрүү;

• Кытайдагы экономикалык көргөзмөлөрдүн презентациясы;

• Индиядагы билим берүү инновациялары жөнүндө;

• Япон экономикасынын ийгилигинин факторлору жана Кыргызстан үчүн мүмкүнчүлүктөр;

• Малайзиянын мурдагы премьер-министри Тун Др. Махатхир бин Мухаммад мырзанын «Глобалдашуу: Алга карай жол» презентациясы;

• Түштүк Кореянын экономикалык өнүгүшүнө жашыл өсүштүн принциптерин киргизүү боюнча презентация.