"Татыктуу жашоо": International Alert’тен гендердик терминологиялардын глоссарийи боюнча семинар

2024-жылдын 28-мартында International Alert уюму гендердик терминологиялардын глоссарийи жагындагы иштин аякташына арналган семинарды өткөрдү.

Иш-чара Ички иштер министрлигинин, «Роза Отунбаеванын демилгеси» фондунун, "ДИА" коомдук фондунун, ошондой эле өнөктөш уюмдардын өкүлдөрүн жана көз карандысыз эксперттерди чогултту. Семинардын катышуучулары гендердик терминология менен таанышты жана глоссарийди аяктоо үчүн жакшыртуу боюнча өз сунуштамаларын сунуш кылды.

"Татыктуу жашоо" долбоорунун алкагында International Alert иштеп чыккан гендердик глоссарий гендер чөйрөсүндөгү терминологияны стандартташтыруу жана пайдалануу үчүн өзөктүү инструмент катары семинарда сунуш кылынды. Бул маалыматты алда канча натыйжалуу алмашууга жана гендердик маселелер менен байланышкан көйгөйлөрдү түшүнүүгө түрткү берет.

Мындан тышкары, 29-мартта "Татыктуу жашоо" долбоорунун иши боюнча семинар өттү, анда иштин биринчи этабынын натыйжалары сунуш кылынды жана экинчи этапка пландар талкууланды.

"Татыктуу жашоо" долбоору «Роза Отунбаеванын демилгеси» эл аралык коомдук фонду тарабынан International Alert өнөктөш уюму менен бирдикте 2023-жылдан бери ишке ашырылууда. Долбоор гендердик стереотиптерге, кодулоого жана үй-бүлөдөгү зомбулукка каршы күрөшүүгө, ошондой эле үй-бүлөлөрдүн экономикалык мүмкүнчүлүктөрүн кеңейтүүгө багытталган. 

Бул долбоор эл аралык өнүктүрүү үчүн Улуу Британиянын Өкмөтүнүн финансылык колдоосу менен ишке ашырылып жатат. Долбоордун алкагында айтылган пикирлер Улуу Британиянын Өкмөтүнүн расмий көз карашын сөзсүз эле чагылдыра бербейт.